झिनो अंकले बढेर बन्द भयो सेयर बजार, कारोबार रकममा गिरावट

सेयर

गृहपृष्ठ
सेयर

झिनो अंकले बढेर बन्द भयो सेयर बजार, कारोबार रकममा गिरावट

क्यापिटल नेपाल सोमबार, भदौ २, २०८२

काठमाडौं। सोमबार सेयर बजार परिसूचक नेपाल स्टक एक्सचेञ्ज (नेप्से) झिनो अंकले बढेर बन्द भएको छ। यसअघि आइतबार सेयर बजार परिसूचक २७ अंकले गिरावट आएको थियो।

आज सेयर बजार ९ अंकले बढेर बन्द भएको हो। योसँगै सेयर बजार परिसूचक २७७० को विन्दुमा पुगेको छ। सेयर बजारमा बढे पनि कारोबार रकममा गिरावट आएको छ।

आज सेयर बजारमा ६ अर्ब १७ करोड बराबरको सेयर कारोबार भएको हो। यसअघि आइतबार ७ अर्ब ७३ करोड मूल्य बराबरको सेयर कारोबार भएको थियो।

सेयर बजारमा आज १७५ कम्पनीको सेयर मूल्य बढेको छ। यस्तै, ७४ कम्पनीको सेयर मूल्यमा गिरावट आएको छ।

आज सबैभन्दा बढी युनियन हाइड्रो पावर लिमिटेडको मूल्य ६ प्रतिशतले बढेको छ। यस्तै, आज सबैभन्दा बढी सम्पदा लघुवित्त वित्तीय संस्था लिमिटेडका लगानीकर्ताले ४ प्रतिशत लगानी गुमाएका छन्। आइतबार यस कम्पनीका लगानीकर्ताले ७ प्रतिशत लगानी गुमाएका थिए।

कारोबारका आधारमा आज नेपाल रिइन्स्युरेन्स कम्पनी लिमिटेडको सेयर साढे २१ करोड ७५ लाख मूल्य बराबरको कारोबार भएको छ।

प्रकाशित मिति: सोमबार, भदौ २, २०८२ १५:२८

प्रतिक्रिया दिनुहोस्