बुंगल हाइड्रोको आईपीओ बिक्री खुल्यो

सेयर

गृहपृष्ठ
सेयर

बुंगल हाइड्रोको आईपीओ बिक्री खुल्यो

क्यापिटल नेपालसोमबार, भदौ १६, २०८२

काठमाडौं। बुंगल हाइड्राले आजदेखि सर्वसाधारणका लागि आईपीओ बिक्री खुलाएको छ। कम्पनीले आयोजना प्रभावित स्थानीय र वैदेशिक रोजगारीमा रहेका नेपालीका लागि खुलाएको आईपीओ बाँडफाँटपछि सर्वसाधरणलाई सेयर निष्कासन गरेको हो।

कम्पनीले धितोपत्र बोर्डबाट जारी पुँजी ८३ करोड रुपैयाँको ३५ प्रतिशत अर्थात् २९ करोड ५ लाख रुपैयाँ बराबरको २९ लाख ५ हजार कित्ता सेयर निष्कासन अनुमति पाएको छ।

यसमध्ये ८ लाख ३० हजार ८२४ कित्ता साधारण शेयर आयोजना प्रभावित क्षेत्रका स्थानीयका लागि र २ लाख ७ हजार ५०० कित्ता साधारण सेयर विदेशमा रोजगार गरी रहेका नेपालीलाई निष्कासन गरिसकेको छ।

कम्पनीले १ लाख ३ हजार ७५० कित्ता साधारण सेयर सामूहिक लगानी कोष र ६२ हजार २५० कित्ता सेयर कर्मचारीका लागि सुरक्षित गरेको छ।

कम्पनीले सर्वसाधारणका लागि १७ करोड १ लाख ५० हजार रुपैयाँ बराबरको प्रतिकित्ता १०० रुपैयाँ अंकित मूल्यका १७ लाख १ हजार ५०० कित्ता साधारण सेयर निष्कासन गरेको हो।

न्यूनतम १० देखि अधिकतम २० हजार कित्तासम्म आवेदन दिन सकिने आईपीओ छिटोमा भदौ १९ सम्म र ढिलोमा भदौ ३० सम्म आवेदन दिन सकिने कम्पनीले जनाएको छ।

कम्पनीले आईपीओ निष्कासनका लागि गराएको रेटिङमा केयर रेटिङ नेपालले केयर एनपी सिंगल बी इस्यूअर रेटिङ दिएको छ।

यसले कम्पनीको दायित्व वहन क्षमता औषत जोखिम रहेको संकेत गर्दछ। कम्पनीको सेयर निष्कासन तथा बिक्री प्रबन्धक हिमालयन क्यापिटल रहेको छ।

प्रकाशित मिति: सोमबार, भदौ १६, २०८२ ०६:५८

प्रतिक्रिया दिनुहोस्