काठमाडौं। साताको दाेस्रो कारोबार दिन साेमबार सेयर बजार परिसूचक नेपाल स्टक एक्सचेञ्ज (नेप्से)मा दोहोरो अंकले बढेकाे छ। आज परिसूचक १२.०३ अंकले बढेर २७६१.८६ को विन्दुमा पुगेर बन्द भएकाे हाे।
आज विभिन्न ३२६ कम्पनीका एक करोड १४ लाख ४० हजार ८४४ कित्ता सेयर ६८ हजार ७७५ पटक खरिदबिक्री हुँदा पाँच अर्ब १० करोड ५७ लाख ४६ हजार ६५७ बराबरको कारोबार भएको नेप्सेले जनाएको छ।
आजको कारोबारमा व्यापार समूह शून्य दशमलव ८५ र अन्य समूह शून्य दशमलव ०३ प्रतिशतले घटेको छ भने अरू सबै समूहको उपसूचक बढेको छ। सबैभन्दा धेरै बैङ्किङ समूह एक दशमलव ५०, विकास बैंक शून्य दशमलव ५२, वित्त शून्य दशमलव १४, होटल तथा पर्यटन शून्य दशमलव ४३, जलविद्युत् शून्य दशमलव ०८ र लगानी समूह शून्य दशमलव १८ प्रतिशतले बढेको छ।
त्यस्तै, उत्पादन तथा प्रशोधन शून्य दशमलव ३६, लघुवित्त शून्य दशमलव २७, म्युचुअल फन्ड शून्य दशमलव १६ र निर्जीवन बीमा समूह शून्य दशमलव ३० प्रतिशतले बढेको छ। हिम स्टार ऊर्जा कम्पनी लिमिटेडको सेयर मूल्य आज सबैभन्दा धेरै छ दशमलव ०७ प्रतिशतले घटेको छ।
त्यस्तै, सबैभन्दा धेरै उन्नति सहकार्य लघुवित्त वित्तीय संस्था लिमिटेडको सेयर मूल्य ७.६८ प्रतिशतले घटेको छ। कारोबार रकमका आधारमा आज सबैभन्दा धेरै नेपाल रिइन्स्योरेन्स कम्पनी लिमिटेडको २८ करोड आठ लाख २३ हजार १८४ बराबरको कारोबार भएको छ। त्यस्तै, कारोबार भएका सेयर संख्याका आधारमा सबैभन्दा धेरै कुमारी बैंक लिमिटेडको ९ लाख एक हजार ५४७ कित्ता सेयर खरिदबिक्री भएको छ।
