कोरानाबाट प्रभावित श्रमिकलाई स्थानीय तह र प्रदेश सरकारले राहत दिने, पर्यटन क्षेत्रका कामदारलाई भने रोजगारदाताले नै उपलब्ध गराउने पर्ने

मुख्य समाचार

गृहपृष्ठ
मुख्य समाचार

कोरानाबाट प्रभावित श्रमिकलाई स्थानीय तह र प्रदेश सरकारले राहत दिने, पर्यटन क्षेत्रका कामदारलाई भने रोजगारदाताले नै उपलब्ध गराउने पर्ने

क्यापिटल नेपालआइतबार, चैत १६, २०७६

काठमाडौं । सरकारले कोरोना भाइरसका कारण प्रभावित श्रमिकहरुलाई राहत प्याकेज घोषणा गरेको छ । सरकारले कोरोना रोकथामका लागि सरकारले चालेको कदमबाट प्रभावित श्रमिकलाई स्थानीय तह र प्रदेश सरकारले राहत दिने निर्णय गरेको हो ।

आइतबार बसेको मन्त्रीपरिषदको बैठकमा राहत दिनुपर्ने श्रमिक परिवार स्थानीय तहले पहिचान गरी स्थानीय तह र प्रदेशले कोष खडा गरी राहत दिने निर्णय गरेको हो । अपुग राहत र रकमको भएको अवस्थामा संघीय सरकारले उपलब्ध गराउने सरकारका प्रवक्ता डा. युवराज खतिवडाले जानकारी दिए ।

श्रमिकको पहिचान गरी स्थानीय तहले दैनिक आवश्यकता पूरा हुने गरी मात्र लागत तयार गर्नुपर्ने छ भने राहत लिने परिवारले आफ्नो वडा कार्यालयमा निवेदन गर्नुपर्ने खतिवडाले जानकारी दिए । पर्यटन क्षेत्रका श्रमिकको चैत महिनाको पारिश्रमिके पारिश्रमिक रोजगारदाताले दिने, ज्यालादारीको चैत महिनाको पारिश्रमिक पनि रोजगारदाताले दिनुपर्ने सरकारको निर्णय छ ।

प्रकाशित मिति: आइतबार, चैत १६, २०७६ २१:५२

प्रतिक्रिया दिनुहोस्