महाराष्ट्रले विद्युत् महशुलमा ८ प्रतिशत छुट दिने, नेपालमा उद्योग बन्द हुँदा पनि शुल्क तिर्छन उद्योगी

उद्योग

गृहपृष्ठ
उद्योग

महाराष्ट्रले विद्युत् महशुलमा ८ प्रतिशत छुट दिने, नेपालमा उद्योग बन्द हुँदा पनि शुल्क तिर्छन उद्योगी

क्यापिटल नेपाल मंगलबार, चैत १८, २०७६

एजेन्सी । कोरोना भाइरसबाट अर्थतन्त्रमा ठूलो असर परेपछि भारतको महाराष्ट्र सरकारले उद्योगी व्यवसायीलाई आगामी ५ वर्षसम्म विद्युत् महशुलमा औसत ८ प्रतिशत छुट दिने भएको छ ।

महाराष्ट्र सरकारको यो निर्णयले सबैभन्दा बढी फाइदा उद्योगी व्यवसायीलाई पुर्याएको छ । सरकारले जारी गरेको विज्ञप्ति अनुसार कृषकलाई विद्युत महशुलमा पनि सहुलियत दिएको छ ।

कोरोनाबाट उद्योगी÷व्यवसायीले ठूलो नोक्सान ब्यहोरेपछि छिमेकी मुलुकले बोल्ड निर्णय गरिरहेका बेला नेपालले खासै ठूलो निर्णय गर्न सकेको छैन् । महाराष्ट्रले उद्योगी/व्यवसायीदेखि कृषकसम्मलाई राहत दिएको छ ।

नेपालमा अहिले सम्पूर्ण उद्योगधन्दा बन्द छन् । तर, उनीहरुको बिजुलीको न्यूनतम विल उठिरहेको छ । बैङ्कको ब्याज बढी रहेको छ । कामदारलाई दिनुपर्ने सेवा सुविधा दिनुपर्छ ।

नेपालले अन्य सुविधा दिन नसके पनि विद्युत्, बैङ्कको ब्याजमा सहयोग गर्न सक्छ । ‘अन्डा खान खोज्ने तर, कुखुरा जोगाउन कुनै पहल नगर्ने हाम्रो प्रवृत्ति छ,’ एक उद्योगीले भने, ‘नियमित रुपमा अन्डा खाने हो भने कुखुरा जोगाउन लाग्नुपर्यो । सरकारले नगद राहत दिन सक्दैन । दिन परेन । तर, विद्युत्मा छुट, ब्याजमा छुट दिन सरकारले सक्छ ।’

प्रकाशित मिति: मंगलबार, चैत १८, २०७६ ०९:४३

प्रतिक्रिया दिनुहोस्