दसैं अघिको अन्तिम कारोबार दिन सेयर बजार ११ अंकले वृद्धि, काराेबार रकम कति?

सेयर

गृहपृष्ठ
सेयर

दसैं अघिको अन्तिम कारोबार दिन सेयर बजार ११ अंकले वृद्धि, काराेबार रकम कति?

क्यापिटल नेपाल आइतबार, असोज १२, २०८२

काठमाडाैं। दसैं अघिको अन्तिम कारोबार दिन सेयर बजार परिसूचक नेपाल स्टक एक्सचेञ्ज (नेप्से) ११ अंकले वृद्धि भएर बन्द भएकाे छ। गत बिहीबार सामान्य अंक घटेर बन्द भएको नेप्से आइतबार भने सामान्य अंक बढेर बन्द भएको हो।

आइतबार सेयर बजार २६६३.५१ विन्दुमा पुगेको छ। सेयर बजार बढे पनि आज कारोबार रकम भने घटेको छ। गत बिहीबार ३ अर्ब २६ करोडको सेयर खरिदबिक्री भएको बजारमा आज ३१४ स्टकको ३९ हजार ८५९ पटकको कारोबारमा २ अर्ब ९३ करोड ५९ लाख १४ हजार रुपैयाँबराबरको ७५ लाख ११ हजार कित्ता शेयर खरिदबिक्री भएको छ।

कारोबार रकमका आधारमा आज यूनियन हाइड्रोपावर शीर्ष स्थानमा रहेको छ। सो कम्पनीको यस दिन २४ करोड ११ लाख रुपैयाँबराबरको शेयर किनबेच भएको छ।

त्यस्तै, यस दिन नेपाल पुनर्बीमा कम्पनीको ११ करोडभन्दा बढीको शेयर कारोबार भएको छ भने शिवम सिमेन्ट्को कारोबार रकम ८ करोड नाघेको छ।कारोबारमा आएको व्यापार उपसमूहको परिसूचक यस दिन सर्वाधिक १.२८ प्रतिशत घटेको छ। होटल तथा पर्यटन र अन्य उपसमूहको परिसूचक भने आज सामान्य घटेको छ।

प्रकाशित मिति: आइतबार, असोज १२, २०८२ १५:२४