नेपाल एयरलायन्सले भैरहवामा अलपत्र यात्रुलाई काठमाडौं ल्याउने

समाज

गृहपृष्ठ
समाज

नेपाल एयरलायन्सले भैरहवामा अलपत्र यात्रुलाई काठमाडौं ल्याउने

क्यापिटल नेपाल आइतबार, असोज १९, २०८२

लुम्बिनी। नेपाल एयरलायन्सले अविरल वर्षाका कारण भैरहवामा अलपत्र परेका यात्रुलाई आज चार्टर्ड उडानमार्फत काठमाडौं ल्याउँदै छ।

रुपन्देहीका प्रमुख जिल्ला अधिकारी डा. टोकराज पाण्डेका अनुसार नेपाल एयरलायन्सको १५८ सिटे जहाज राति ९ बजे गौतम बुद्व अन्तरराष्ट्रिय विमानस्थल, भैरहवाबाट काठमाडौँ उड्ने तयारीमा छ।

“यात्रुहरू हिजोदेखि भैरहवाको गल्लामण्डीस्थित हनुमान मन्दिरमा बसिरहेका छन्। सडक अवरुद्ध छ। हवाई टिकट पाउन मुस्किल छ। यस किसिमको विषम परिस्थितिमा संस्कृति, पर्यटन तथा नागरिक उड्डयन मन्त्रालयसँग सहकार्य गरेर नेपाल एयरलायन्सको चार्टर फ्लाइट उडाउन थालेका हौँ। यसबाट काठमाडौँ जाने यात्रुलाई राहत पुग्ने विश्वास लिएका छौँ,” उनले भने।

चार्टर्ड फ्लाइटका लागि सो एयरलायन्सका प्रतिनिधि अरुण पन्थीलाई सम्पर्क गर्न सकिने बताइएको छ। विपद्को समयमा सर्वसाधरण जनतालाई सेवा दिनेगरी नेपाल एयरलायन्सले भैरहवा-काठमाडौं चार्टर उडान गर्न थालेको हो।

प्रकाशित मिति: आइतबार, असोज १९, २०८२ २०:४६

प्रतिक्रिया दिनुहोस्