चौधरी ग्रुपद्वारा जेन जेड आन्दोलनका प्रत्येक शहिद परिवारलाई रोजगारी दिने घोषणा

उद्योग

गृहपृष्ठ
उद्योग

चौधरी ग्रुपद्वारा जेन जेड आन्दोलनका प्रत्येक शहिद परिवारलाई रोजगारी दिने घोषणा

क्यापिटल नेपाल बुधबार, असोज २२, २०८२

काठमाडौं। चौधरी ग्रुपका प्रबन्ध निर्देशक निर्वाण चौधरीले जेन जेड आन्दोलनका क्रममा ज्यान गुमाएका शहिद परिवारलाई उच्च सम्मान ब्यक्त गर्दै प्रत्येक शहिद परिवारका एक सदस्यलाई रोजगारी दिने बताएका छन्।

उनले जेन जेड आन्दोलनका क्रममा ज्यान गुमाएका शहिदप्रति श्रद्धाञ्जलि अर्पण गर्दै परिवारजनप्रति गहिरो समवेदना व्यक्त गरेका छन्। उनले भने, ‘आन्दोलनका क्रममा हाम्रो निजी निवास, कार्यालय, शोरूम र कारखानामा ठूलो क्षति र विध्वंस भएको छ, यसले हामीलाई गहिरो पीडा दिएको छ तर यस कठिन घडीमा पनि हामी दृढ आत्मविश्वासका साथ पुनःनिर्माणको यात्रामा अघि बढेका छौँ।’

चौधरीले शहिद परिवारलाई उच्च सम्मान व्यक्त गर्दै प्रत्येक शहिद परिवारका एक सदस्यलाई रोजगारी प्रदान गर्ने प्रतिबद्धता सार्वजनिक गरेका छन्। उनले यसलाई केवल वाचा नभई चौधरी ग्रुपको गहिरो कर्तव्य र श्रद्धाको प्रतिविम्ब भएको बताएका छन्। उनका अनुसार चौधरी ग्रुप आशा, सहानुभूति र सम्मानसहित देशको उज्ज्वल भविष्य निर्माणका लागि शहिद परिवारसँगै उभिनेछ र पुनःनिर्माणको यात्रामा सधैं संलग्न रहनेछ।

शहिद परिवारलाई रोजगारीको अवसर उपलब्ध गराउन इच्छुक परिवारजनले चौधरी ग्रुपको कर्पोरेट कम्युनिकेसन विभाग प्रमुख मधुसूदन पौड्याललाई मोबाइल नम्बर ९८५१२२४००० मा सम्पर्क गर्न अनुरोध गरिएको छ।

प्रकाशित मिति: बुधबार, असोज २२, २०८२ १४:१३

प्रतिक्रिया दिनुहोस्