मुक्तिनाथ कृषि कम्पनीले हकप्रद सेयर जारी गर्ने

सेयर

गृहपृष्ठ
सेयर

मुक्तिनाथ कृषि कम्पनीले हकप्रद सेयर जारी गर्ने

क्यापिटल नेपाल आइतबार, असोज २६, २०८२

काठमाडौं। मुक्तिनाथ कृषि कम्पनी लिमिटेडले सेयरधनीहरूलाई लाभांश प्रस्ताव गर्दै हकप्रद सेयर निष्काशन गर्ने भएकाे छ। कम्पनीको असोज २४ गते बसेको सञ्चालक समितिको बैठकले गत आर्थिक वर्षको मुनाफाबाट सेयरधनीहरूलाई ८ प्रतिशत बोनस सेयर वितरण गर्ने निर्णय गरेको हाे।

कम्पनीले बोनस सेयर वितरणपश्चात कायम हुने चुक्ता पुँजीको ६० प्रतिशत हकप्रद सेयर निष्काशन गर्ने प्रस्ताव समेत पारित गरेको छ। यस्तै, कम्पनीले आगामी कात्तिक २१ गते शुक्रबार सातौँ वार्षिक साधारण सभा बोलाएको छ। साधारण सभा काठमाडौंको गैरीधारास्थित सिल्भर वक ब्यान्क्वेट एण्ड इभेन्ट्स सेन्टरमा दिउँसो साढे ११ बजे सुरु हुनेछ।

साधारण सभा र लाभांश प्रयोजनका लागि कम्पनीले कात्तिक १४ गते बुकक्लोज गर्ने निर्णय गरेको छ। कात्तिक १३ गतेसम्म नेप्सेमा कारोबार भई कायम रहेका सेरधनीहरू मात्र साधारण सभामा सहभागी हुन र कम्पनीले वितरण गर्ने ८ प्रतिशत बोनस सेयर प्राप्त गर्न योग्य हुनेछन्।

प्रकाशित मिति: आइतबार, असोज २६, २०८२ ११:२६

प्रतिक्रिया दिनुहोस्