हाम्रो ‘म्याण्डेड’ चुनाव गराउने हो– मन्त्री खरेल

राजनीति

गृहपृष्ठ
राजनीति

हाम्रो ‘म्याण्डेड’ चुनाव गराउने हो– मन्त्री खरेल

क्यापिटल नेपाल आइतबार, असोज २६, २०८२

काठमाडौं। सञ्चार तथा सूचना प्रविधिमन्त्री जगदीश खरेलले प्राप्त जिम्मेवारीअनुसार आगामी फागुन २१ गते निर्वाचन गराउने प्रतिबद्धतासहित सरकार अघि बढेको बताएका छन्।

नेपाल पत्रकार महासंघले आयोजना गरेको स्वागत कार्यक्रमलाई सम्बोधन गर्दै मन्त्री खरेलले फागुन २१ गते प्रतिनिधिसभाको निर्वाचन गराउने ‘म्याण्डेट’ रहेकाले सोहीअनुसार निर्वाचन गराउनेतर्फ सरकार केन्द्रित भएको स्पष्ट पारे।

सरकारको प्रमुख प्राथमिकता भनेको तोकिएको मितिमा व्यापक जनसहभागितासहित स्वच्छ, निष्पक्ष, शान्तिपूर्ण ढंगबाट निर्वाचन गराउने हो भन्दै उनले निर्वाचन प्रक्रियामा सहभागी हुन सम्पूर्ण राजनीतिक पार्टीलगायत सम्बद्ध पक्षसँग अनुरोध गरे।

यसैगरी, मन्त्री खरेलले फागुन २१ गते निर्वाचन गराउने सन्दर्भमा निर्वाचन आयोगले ‘क्यालेण्डर’ नै तयार गरिसकेको अवस्थामा आवश्यक वातावरण तयारीका लागि नेपाल पत्रकार महासंघका तर्फबाट सहयोग प्राप्त हुने विश्वास व्यक्त गरे।

प्रकाशित मिति: आइतबार, असोज २६, २०८२ १६:३६

प्रतिक्रिया दिनुहोस्