जग्गा खरिदका लागि छुट्याइएको ३ करोड बजेट कार्यान्वयन भएन, भवन निर्माण प्रक्रियामै अल्झियो

पूर्वाधार

गृहपृष्ठ
पूर्वाधार

जग्गा खरिदका लागि छुट्याइएको ३ करोड बजेट कार्यान्वयन भएन, भवन निर्माण प्रक्रियामै अल्झियो

क्यापिटल नेपाल आइतबार, कात्तिक २३, २०८२

काठमाडौं। म्याग्दीकाे मंगला गाउँपालिकाको प्रशासकीय भवन निर्माण गर्ने योजना स्थापनाको आठ वर्षसम्म जग्गा प्राप्ति प्रक्रियामै अल्झिएको छ। तीव्र रूपमा बस्ती विकास भइरहेको पालिकाको केन्द्र बाबियाचौरमा मापदण्ड पुग्ने जग्गा निःशुल्क दिन नसक्नु, सरकारी दररेटअनुसार उपलब्ध गराउन रुचि नदेखाउनु, विवाद, समन्वयको कमी र मुद्दाका कारण जग्गा प्राप्ति सकसपूर्ण बनेको हो।

स्थानीयवासीबाट निःशुल्क जग्गा प्राप्त हुन नसकेपछि गाउँपालिकाले मन्त्रिपरिषद् बैठकको निर्णयअनुसार सरकारले जग्गा खरिद गरेर भवन बनाउन अनुमति दिएको छ। पछिल्लो तीन आर्थिक वर्षमा जग्गा खरिद गर्न वार्षिक एक करोड रुपैयाँका दरले विनियोजन भएको बजेट कार्यान्वयन हुनसकेको छैन।

आफ्नै भवन नहुँदा सेवा प्रवाहमा कठिनाइ र भाडामा वार्षिक लाखौँ बजेट खर्चनुपरेको छ। भाडाको घरमा रहेका साँघुरा कोठामा काम गर्न अप्ठ्यारो भएको प्रशासन शाखाका प्रमुुख सुर्दशन पौडेलले जानकारी दिए। कार्यालय सञ्चालनका लागि गाउँपालिकाले मासिक ६७ हजार ५ सय रुपैयाँ घरभाडामा खर्च गर्दै आएको छ।