नेप्सेमा बन्दीपुर केबलकार र स्वस्तिक लघुवित्तको सेयर सूचीकृत

सेयर

गृहपृष्ठ
सेयर

नेप्सेमा बन्दीपुर केबलकार र स्वस्तिक लघुवित्तको सेयर सूचीकृत

क्यापिटल नेपाल मंगलबार, कात्तिक २५, २०८२

काठमाडौं। नेपाल स्टक एक्सचेन्ज (नेप्से)मा स्वस्तिक लघुवित्त र बन्दीपुर केबलकार एन्ड ट्रिजमको सेयर सूचीकृत भएको छ। स्वस्तिकले ५ लाख ७७ हजार ५०० कित्ता र बन्दीपुर केबलकारले २ करोड ८३ लाख कित्ता आईपीओ नेप्सेमा सूचीकृत गराएका हुन्।

स्वस्तिक लघुवित्तको कुल कित्ता सेयरमध्ये सर्वसाधारणतर्फ २ लाख ३१ हजार कित्ता र संस्थापकतर्फ ३ लाख ४६ हजार ५०० कित्ता छ।

कम्पनीको सर्वसाधारणतर्फको सेयरमध्ये १ हजार १५५ कित्ता कर्मचारीमा , ११ हजार ५५० कित्ता सामूहिक लगानी कोष र २३ हजार १०० कित्ता भने वैदेशिक रोजगारीमा रहेका नेपालीको स्वामित्वमा र १ लाख ९५ हजार १९५ कित्ता आईपीओ भने थप सर्वसाधारण लगानीकर्ताको स्वामित्वमा रहेको छ। वैदेशिक रोजगारीमा रहेका नेपाली र थप सर्वसाधारणतर्फको सेयर कात्तिक २५ देखि कारोबारमा आउनेछ।

स्वस्तिक लघुवित्तले थप सर्वसाधारण लगानीकर्तामा भदौ १२ गते आईपीओ बाँडफाँट गरेको हो। नेप्सेले कम्पनीको पहिलो सेयर कारोबारका लागि न्यूनतम प्रतिकित्ता १७१ रुपैयाँ ७८ पैसादेखि अधिकतम प्रतिकित्ता ५१५ रुपैयाँ ३४ पैसा तोकेको छ।

बन्दीपुर केबलकारको पहिलो सेयर कारोबारका लागि नेप्सेले न्यूनतम प्रतिकित्ता ९५ रुपैयाँ २४ पैसादेखि अधिकतम प्रतिकित्ता २८५ रुपैयाँ ७२ पैसासम्मको मूल्य रेन्ज तोकेको छ।

बन्दीपुर केबलकारको सेयरमध्ये संस्थापकतर्फ २ करोड २४ लाख ४० हजार र सर्वसाधारणतर्फ ५८ लाख ६० हजार कित्ता सेयर स्वामित्व रहेको छ। बन्दीपुर केबलकारले सर्वसाधारणमा गत भदौ ३० गते आईपीओ बाँडफाँट गरेको थियो।

प्रकाशित मिति: मंगलबार, कात्तिक २५, २०८२ ०७:४३

प्रतिक्रिया दिनुहोस्