झिनो अंक बढेर रोकियो नेप्से, कारोबार रकम तीन अर्बमा खुम्चियो

सेयर

गृहपृष्ठ
सेयर

झिनो अंक बढेर रोकियो नेप्से, कारोबार रकम तीन अर्बमा खुम्चियो

क्यापिटल नेपाल मंगलबार, कात्तिक २५, २०८२

काठमाडौं। साताको तेस्रो कारोबार दिन मंगलर सेयर बजार परिसूचक नेपाल स्टक एक्सचेञ्ज (नेप्से)मा झिनो अंकले बढेर बन्द भएको छ। सेयर बजार परिसूचक बढे पनि कारोबार रकम खुम्चिएको छ।

अघिल्लो दिनको तुलनामा आज नेप्से परिसूचक ३ अंकले बढेर बन्द भएको हो। योसँगै आज २५६५ विन्दुमा कायम भएको छ।

सेयर बजार बढे पनि आज जम्मा तीन अर्ब ६२ करोड मूल्य बराबरको सेयर किनबेच भएको छ। यसअघि सोमबार साढे चार अर्बभन्दा बढीको सेयर कारोबार भएको थियो।

यस्तै, आज १४२ कम्पनीको मूल्य बढेको छ। यस्तै, १०२ कम्पनीको सेयर मूल्यमा गिरावट आउँदा १० को स्थिर रहेको छ।

आज पाँच कम्पनीको सेयर मूल्यमा सर्किट लागेको छ। जसमा साइन रेसुङ्गा डेभेञ्चर र बन्दीपुर केवलकार एण्ड टुरिजम लिमिटेड, माबिलुङ इनर्जी, सागर डिस्टिलरी र बुङ्गल हाइड्रोको सेयरमा सर्किट लागेको हो।

यता, १०.२५ प्रतिशत नेपाल एसबीआई बैंक डेभेञ्चरर्स २०८३को सेयरमा नकारात्मक सर्किट लागेको छ।

प्रकाशित मिति: मंगलबार, कात्तिक २५, २०८२ १५:१८

प्रतिक्रिया दिनुहोस्