एनआरएन इन्फ्रास्ट्रक्चरले ४२ प्रतिशत लाभांश वितरण गर्ने

सेयर

गृहपृष्ठ
सेयर

एनआरएन इन्फ्रास्ट्रक्चरले ४२ प्रतिशत लाभांश वितरण गर्ने

क्यापिटल नेपाल बुधबार, कात्तिक २६, २०८२

काठमाडाैं। एनआरएन इन्फ्रास्ट्रक्चर एण्ड डेभलपमेन्ट कम्पनीले गत आर्थिक वर्षको मुनाफाबाट सेयरधनीहरूलाई वितरण गर्ने लाभांश घोषणा गरेको छ। कम्पनीले हाल कायम चुक्ता पूँजीको कुल ४२.१०५ प्रतिशत लाभांश वितरण गर्ने भएकाे हाे।

यसमध्ये ४० प्रतिशत बोनस सेयर रहेको छ भने सो बोनस सेयरको कर प्रयोजनका लागि २.१०५ प्रतिशत नगद लाभांश वितरण गरिनेछ। कम्पनीको कात्तिक २५ गते बसेको सञ्चालक समितिको बैठकले लाभांश वितरण गर्ने निर्णय गरेको हो।

उक्त लाभांश अनुमोदन गर्नका लागि कम्पनीले पुस ४ गते शुक्रबार आम्रपाली ब्यान्क्वेट थिरबम सडक काठमाडौंमा बिहान ९ बजे १३औँ वार्षिक साधारण सभा आह्वान गरेको छ। साधारण सभाले लाभांशका साथै बोनस सेयर वितरणपश्चात् कायम हुने चुक्ता पुँजीको शतप्रतिशत हकप्रद सेयर निष्काशन गर्ने प्रस्ताव पनि पारित गर्नेछ।

प्रकाशित मिति: बुधबार, कात्तिक २६, २०८२ ११:००

प्रतिक्रिया दिनुहोस्