फेरि घट्न थाल्यो सेयर बजार, चार कम्पनीको कारोबारमा सर्किट

सेयर

गृहपृष्ठ
सेयर

फेरि घट्न थाल्यो सेयर बजार, चार कम्पनीको कारोबारमा सर्किट

क्यापिटल नेपाल बुधबार, कात्तिक २६, २०८२

काठमाडौं। सेयर बजार परिसूचक नेपाल स्टक एक्सचेञ्ज (नेप्से)मा आज पनि गिरावट आएको छ। लगातारको गिरावटसँगै मंगलबार झिनो अंकले बढेको बजार आज पुनः गिरावट आएको हो।

अघिल्लो दिनको तुलनामा आज नेप्से परिसूचक २० अंक घटेको हो। योसँगै आज २५४४ विन्दुमा कायम भएको छ।

सेयर बजारमा गिरावट आएसँगै कारोबार रकम तीन अर्ब ८२ करोडमा खुम्चिएको छ। यसअघि मंगलबार झण्डै साढे तीन अर्ब बराबरको सेयर कारोबार भएको थियो।

आज ४९ कम्पनीको सेयर मूल्य बढेको छ। यसको विपरीत १९८ कम्पनीको सेयर मूल्यमा गिरावट आएको छ। यस्तै, ७ कम्पनीको सेयर मूल्य स्थिर बसेको छ।

यस्तै, आज दुई कम्पनीको सेयर मूल्यमा सकारात्मक सर्किट लागेको छ। जसमा भूगोल इनर्जी डेभलपमेन्ट कम्पनी लिमिटेड र सागर डिस्टिलरीको सेयरमा सर्किट लागेको हो। यसैगरी, बन्दीपुर केवलकार एण्ड टुरिजम लिमिटेड र बुङ्गाल हाइड्रो लिमिटेडको सेयर मूल्य ९.९८ प्रतिशतले बढेको छ।

यता, धरम खोला हाइड्रो लिमिटेको सेयर मूल्य झण्डै ९ प्रतिशतले गिरावट आएको छ।

प्रकाशित मिति: बुधबार, कात्तिक २६, २०८२ १५:१५

प्रतिक्रिया दिनुहोस्