कर्फ्यू उल्लंघन गर्दै सिमरा बजारमा जेनजीको चर्कियो प्रदर्शन

राजनीति

गृहपृष्ठ
राजनीति

कर्फ्यू उल्लंघन गर्दै सिमरा बजारमा जेनजीको चर्कियो प्रदर्शन

क्यापिटल नेपाल बुधबार, मंसिर ३, २०८२

काठमाडौं। स्थानीय प्रशासनले लगाएको कर्फ्यूको आदेश उल्लंघन गर्दै बाराको सिमरामा युवाहरूले प्रदर्शन गरेका छन्। नेकपा एमालेका नेता कार्यकर्ता र जेनजी युवाबीचको तनाव बढेपछि जिल्ला प्रशासन कार्यालय बाराले कर्फ्यू लगाएको थियो।

मुख्य बजार क्षेत्रमा ठूलो संख्यामा उपस्थित भएका युवाहरू प्रदर्शन गरिरहेका छन्। यता, सुरक्षाकर्मीले माइकिङ गरी युवाहरूलाई आआफ्ना घर जान आग्रह गरिरहेका छन्।

स्थानीय प्रशासनले गण्डक नहरदेखि पथलैया सडक खण्डको दायाँ बायाँ ५०० मिटर र सिमरा विमानस्थलको वरिपरि ५०० मिटरसम्म बुधबार दिउँसो १२ः३० बजेदेखि राति ८ बजेसम्म कुनै पनि प्रकारको भेला, जुलस, प्रदर्शन, सभा, बैठक, घेराउ जस्ता कार्यक्रम गर्न प्रतिबन्ध लगाएको छ।

बुधबार बिहानै बाराको मुख्य बजार क्षेत्रमा एमाले कार्यकर्ताले जेनजी अगुवा सम्राट उपाध्ययमाथि हातपात गरेपछि सुरु भएको झडपले उग्र रूप लिँदै छ।

प्रकाशित मिति: बुधबार, मंसिर ३, २०८२ १४:३८

प्रतिक्रिया दिनुहोस्