जेनजी आन्दोलनबाट अपदस्थ केपी ओलीले बनाए युथ भोलेन्टियर फोर्स, पुष्पराजले पाए जिम्मेजारी

राजनीति

गृहपृष्ठ
राजनीति

जेनजी आन्दोलनबाट अपदस्थ केपी ओलीले बनाए युथ भोलेन्टियर फोर्स, पुष्पराजले पाए जिम्मेजारी

क्यापिटल नेपाल शुक्रबार, मंसिर ५, २०८२

काठमाडौं। नेकपा एमालेका अध्यक्ष केपी शर्मा ओलीले युवा दस्ता ‘युथ भोलेन्टियर फोर्स’को केन्द्रीय कमाण्डको जिम्मेवारी पुष्पराज श्रेष्ठलाई दिएका छन्।

काठमाडौंको कार्की बान्क्वेटमा आयोजित कार्यक्रममा एमाले जनसंगठन समन्वय संयन्त्रका संयोजक भानुभक्त ढकालले ११ सदस्यीय केन्द्रीय कमाण्डर घोषणा गरेका थिए।

यसअघि अध्यक्ष ओलीले गत कात्तिक १६ गते ‘युथ भोलिन्टियर फोर्स’ गठन गरेका थिए। एमाले जनसंगठन समन्वय संयन्त्रले भक्तपुरस्थित ओली निवास गुण्डुबाट युथ भोलिन्टियर फोर्स घोषणा गरेको थियो।

कार्यदलमा महेश बस्नेत संयोजक रहेका छन्। साथै श्रेष्ठसहित वचन देउजा, समिक बराल, मीनबहादुर शाही, विनिता काफ्ले, निशा लिम्बू, बिनोद पाण्डे र महेश चौलागाईं रहेका छन्।

गत भदौ २३ र २४ गते भएको जेनजी आन्दोलनपछि अपदस्थ भएका निवर्तमान प्रधानमन्त्री ओलीले पार्टीमाथि आएको चुनौतीको सामना गर्नका लागि संगठन विस्तार गर्दै आएका छन्।

प्रकाशित मिति: शुक्रबार, मंसिर ५, २०८२ १५:१०

प्रतिक्रिया दिनुहोस्