गगन थापाको दाबीः आगामी निर्वाचनमा नयाँ सभापतिको हस्ताक्षर हुने

राजनीति

गृहपृष्ठ
राजनीति

गगन थापाको दाबीः आगामी निर्वाचनमा नयाँ सभापतिको हस्ताक्षर हुने

क्यापिटल नेपाल सोमबार, मंसिर ८, २०८२

काठमाडौं। नेपाली कांग्रेसका महामन्त्री गगन थापाले अब विधान बमोजिम समयमै विशेष महाधिवेशन हुने बताएका छन्। उनले आफ्नो सामाजिक सञ्जालमा लेख्दै विधानबमोजिम समयमै विशेष महाधिवेशन हुने बताएका हुन्।

‘अब विधान बमोजिम समयभित्रै विशेष महाधिवेशन हुन्छ। त्यहीँबाट नयाँ सभापतिको निर्वाचन हुन्छ। नयाँ सभापतिको हस्ताक्षरसहित निर्णय सच्चिएर निर्वाचन आयोगमा जान्छ। नयाँ नीति र नेतृत्वसहित त्यही हस्ताक्षरमा पार्टी चुनाव लड्छ,’ उनले भनेका छन्।

आगामी फागुन २१ गते निर्वाचन गराउने गरी अन्तरिम सरकार लागेसँगै महामन्त्री थापाले यसबारे पार्टीको धारणा सार्वजनिक गरेका हुन्। उनले टिकट वितरणकै लागि आफूहरूले निर्वाचन अगाडि महाधिवेशनको माग गरेको दाबी गरे।

उनले अगाडि थपे, ‘यही कारण हो हामीले निर्वाचनअगाडि नै महाधिवेशन भनेको। अब विशेष महाधिवेशनको विकल्प छैन। कुरा स्पष्ट छ। अलमलमा नपरौँ।’

प्रकाशित मिति: सोमबार, मंसिर ८, २०८२ १४:२३

प्रतिक्रिया दिनुहोस्