२० लाख धरौटी बुझाएर रिहा भए पूर्वसभामुख महरा

राजनीति

गृहपृष्ठ
राजनीति

२० लाख धरौटी बुझाएर रिहा भए पूर्वसभामुख महरा

क्यापिटल नेपाल बिहीबार, मंसिर ११, २०८२

काठमाडौं। सुन तस्करीको आरोपमा पुर्पक्षका लागि थुनामा रहेका पूर्वसभामुख कृष्णबहादुर महरा धरौटी रकम बुझाएर रिहा भएका छन्। उच्च अदालत पाटनले बिहीबार महरालाई २० लाख रुपैयाँ धरौटीमा रिहा गर्न आदेश दिएको थियो।

Krishna-Bahadur-Mahara--Nepal-photo-library-10-1764247146.JPG
न्यायाधीशद्वय अर्जुनप्रसाद कोइराला र तेजेन्द्रप्रसाद शर्मा सापकोटाको इजलासले ‘मूल जाहेरी र पहिलो पूरक अभियोगमा समेत महराको नाम उल्लेख नभएको भन्दै तत्काल थुनामा राख्नुपर्ने कुनै कारण नदेखिएको ठहर गरेको थियो।

Krishna-Bahadur-Mahara--Nepal-photo-library-12-1764247149.jpg
महरालाई गत असोज २६ गते सीआईबीले पक्राउ गरेको थियो। काठमाडौं जिल्ला अदालतले असोज २९ गते उनलाई थुनामा पठाउने दिएको आदेशलाई उच्च अदालतले उल्टाएको हो। महरालाई पुस २०७९ मा फ्लाई दुबईको फ्लाइटमार्फत तस्करी भएको ९ किलो सुन प्रकरणमा संलग्नता रहेको दाबी गर्दै मुद्दा चलाइएको थियो।