भुजुङ हाइड्रोको आईपीओ निष्कासन पुस ३ देखि

सेयर

गृहपृष्ठ
सेयर

भुजुङ हाइड्रोको आईपीओ निष्कासन पुस ३ देखि

क्यापिटल नेपाल मंगलबार, मंसिर २३, २०८२

काठमाडौं। भुजुङ हाइड्रोपावरले आउँदो पुस ३ देखि आईपीओ निष्कासन गर्ने भएको छ। कम्पनीले आयोजना प्रभावित स्थानीय तथा वैदेशिक रोजगारीमा रहेका नेपालीका लागि आईपीओ निष्कासन गर्ने भएको हो।

कम्पनीले प्रतिकित्ता १०० रुपैयाँका दरले कुल २० लाख कित्ता आईपीओ निष्कासन गर्नेछ। यसमध्ये १० लाख कित्ता आईपीओ आयोजना प्रभावित स्थानीयलाई र १ लाख कित्ता वैदेशिक रोजगारीमा रहेका नेपालीका लागि निष्कासन गर्न लागेको हो।

आयोजना प्रभावित क्षेत्रका बासिन्दाका लागि छुट्याइएको आईपीओमध्ये ६ लाख कित्ता प्रत्यक्ष प्रभावित क्षेत्र (लमजुङको क्व्होलासोथार गाउँपालिका–४) का बासिन्दाले र बाँकी ४ लाख कित्ता अप्रत्यक्ष प्रभावित (सोही गाउँपालिका–१, २, ३, ५, ६, ७, ८ र ९) का बासिन्दाले आवेदन दिन सक्नेछन्।

आईपीओमा १० देखि ५० हजार कित्तासम्म माग गर्न सकिनेछ। आयोजना प्रभावितका लागि निष्कासन बन्द छिटोमा पुस १७ र ढिलोमा माघ २ गते हुनेछ भने वैदेशिक रोजगारीमा रहेकाका लागि निष्कासन बन्द छिटोमा पुस ७ गते र ढिलोमा पुस १७ सम्म रहने कम्पनीले जनाएको छ।