एचआईडिसिएलले ३.५ प्रतिशत लाभांश वितरण गर्ने, साधारण सभा कहिले?

सेयर

गृहपृष्ठ
सेयर

एचआईडिसिएलले ३.५ प्रतिशत लाभांश वितरण गर्ने, साधारण सभा कहिले?

क्यापिटल नेपाल आइतबार, मंसिर २८, २०८२

काठमाडाैं। हाइड्रोइलेक्ट्रीसिटी इन्भेष्टमेन्ट एण्ड डेभलपमेन्ट कम्पनीले गत आर्थिक वर्षको मुनाफाबाट सेयरधनीलाई वितरण गर्ने लाभांश घोषणा गरेको छ। मंसिर २६ गते बसेको कम्पनीको सञ्चालक समितिको बैठकले लाभांश वितरण गर्ने निर्णय गरेको हो।

कम्पनीले हाल कायम चुक्ता पुँजीको ३.५ प्रतिशत लाभांश वितरण गर्ने भएकाे छ‍। त्यसमध्ये १.५ प्रतिशत बोनस सेयर रहेको छ भने २ प्रतिशत नगद लाभांश वितरण गर्ने भएकाे हो।

त्यस्तै, बैठकले पुस २१ गते सोमबार चौधौँ वार्षिक साधारण सभा बोलाउने निर्णय गरेकाे छ। कम्पनीले साधारण सभा तथा लाभांश वितरण प्रयोजनार्थ पुस ८ गते बुकक्लोज गर्ने बताएकाे छ। साेहीअनुसार पुस ७ गतेसम्म नेप्सेमा कारोबार भई कायम सेयरधनीले कम्पनीको साधारण सभामा सहभागिता जनाउन तथा कम्पनीले वितरण गर्न लाभांश प्राप्त गर्नेछन्।

प्रकाशित मिति: आइतबार, मंसिर २८, २०८२ ११:४९