‘टीभीएससँग सुनको सगुन’ अफर, दैनिक सुनको सिक्का, १ लाखसम्म छुट

अटो

गृहपृष्ठ
अटो

‘टीभीएससँग सुनको सगुन’ अफर, दैनिक सुनको सिक्का, १ लाखसम्म छुट

क्यापिटल नेपाल सोमबार, माघ १९, २०८२

काठमाडौं। नेपालमा टीभीएस मोटरको आधिकारिक वितरक शंकर ग्रुपको सहायक कम्पनी जगदम्बा मोटर्सले राष्ट्रव्यापी ग्राहक योजना ‘टीभीएससँग सुनको सगुन’ विशेष अफर सार्वजनिक गरेको छ।

यो अफर विश्व बजारमा बढ्दो सुनको मूल्यलाई बिहे तथा चाडपर्वको भावनात्मक मौसमसँग जोड्दै ग्राहकलाई मूल्य र भरोसा अनुभूति गराउने उद्देश्यले सार्वजनिक गरिएको कम्पनीले बताएको छ।

विशेष अफरको मूल उद्देश्य ग्राहकको जीवनका महत्त्वपूर्ण क्षण नयाँ परिवार, नयाँ घर र नयाँ यात्रासँग टीभीएसलाई विश्वासयोग्य साझेदारको रूपमा प्रस्तुत गर्नु रहेको कम्पनीलेब ताएको छ। सुनको दीर्घकालीन मूल्य र टीभीएस सवारीसाधनको विश्वसनीयतालाई एकै ठाउँ जोडेर ग्राहक सन्तुष्टिलाई एउटै प्लेटफर्ममा ल्याउने प्रयास गरिएको कम्पनीको भनाइ छ।

कम्पनीले अफर अवधिमा टीभीएस बाइक वा स्कुटर खरिद गर्ने ग्राहकले नगद, फाइनान्स वा एक्सचेन्ज सबै खरिदमा दैनिक सुनको सिक्का, १ लाख रुपैयाँसम्मको क्यास छुट, सबै मोडलमा एक्सचेन्ज सुविधा, सजिलो फाइनान्स सुविधा, सबै मोडलमा लाइफटाइम वारेन्टी दिनेछ।