चुनावको नाममा अवैध चन्दा संकलन गर्ने दुई जना पक्राउ

राजनीति

गृहपृष्ठ
राजनीति

चुनावको नाममा अवैध चन्दा संकलन गर्ने दुई जना पक्राउ

क्यापिटल नेपाल मंगलबार, फागुन ५, २०८२

काठमाडौं। प्रहरीले गैरकानुनी रूपमा चन्दा संकलन गर्ने कार्यमा संलग्न रहेको अभियोगमा २ जनालाई पक्राउ गरेको छ। पक्राउ पर्नेमा माछापुच्छ्रे गाउँपालिका–२ बस्ने ३७ वर्षीय भीमसेन परियार र तनहुँ व्यास नगरपालिका–१३ छाब्दी बस्ने ३२ वर्षीय अग्नि भन्ने लक्ष्मण पाण्डे रहेका छन्।

आसन्न प्रतिनिधि सभा सदस्य निर्वाचन २०८२ लाई बिथोल्न कास्की जिल्लास्थित विभिन्न स्थानमा ‘माओवादीका कार्यकर्ता हौं’ भनी डरधाक धम्की दिई गैरकानुनी रूपमा चन्दा संकलन गरेको भन्ने सूचनाको आधारमा नेपाल प्रहरी प्रदेश कार्यालय पोखरा र जिल्ला प्रहरी कार्यालय कास्कीबाट खटिएको प्रहरीले उक्त कार्यमा संलग्न उनीहरूलाई पक्राउ गरेको हो।

उनीहरूमाथि चन्दा ऐनसम्बन्धी कसूरमा जिल्ला अदालत कास्कीबाट ५ दिन म्याद थप अनुमति लिई प्रहरीले आवश्यक अनुसन्धान गरिरहेको छ।

प्रकाशित मिति: मंगलबार, फागुन ५, २०८२ १३:३४