निगम व्यवस्थापनको चरम लापरबाही, इन्धन भर्न नपाएपछि न्यारोबडी जहाज हङकङमा रोकियो

पर्यटन

गृहपृष्ठ
पर्यटन

निगम व्यवस्थापनको चरम लापरबाही, इन्धन भर्न नपाएपछि न्यारोबडी जहाज हङकङमा रोकियो

क्यापिटल नेपाल शनिबार, जेठ २, २०८३

काठमाडौं। नेपाल वायुसेवा निगमको व्यवस्थापकीय कमजोरीका कारण नियमित उडानका लागि हङकङ पुगेको जहाज रोकिएको छ।

हङकङस्थित इन्धन आपूर्तिकर्ता निकाय सेब्रनसँग नेपाल वायुसेवा निगमको हवाई इन्धनसम्बन्धी सम्झौता अवधि समाप्त भए पनि नवीकरण नहुँदा समस्या उत्पन्न भएको हो। जसको कारण न्यारोबडी जहाज उतै रोकिन पुगेको छ।

निगम उच्च श्रोतका अनुसार जहाज शनिबार काठमाडौंबाट १३० यात्रु लिएर हङकङ गएको र त्यहाँबाट ८५ जना यात्रु लिएर फर्कने तालिका थियो। तर, फर्किने क्रममा जहाजले आवश्यक इन्धन भर्न नपाएपछि उडान प्रभावित भएको हो।

इन्धन भर्ने कर्मचारीले सम्झौता नवीकरण नभएको जानकारी दिएपछि जहाज त्यहीँ रोकिएको बताइएको छ। निगममा यो विषयमा आधिकारिक जानकारी लिन खोज्दा फोन सम्पर्क हुन सकेन।

प्रकाशित मिति: शनिबार, जेठ २, २०८३ १७:५७

प्रतिक्रिया दिनुहोस्