मध्यपूर्वको तनावले रोकिएको कुवेत एयरवेजले मंगलबारबाट नियमित उडान भर्दै

पर्यटन

गृहपृष्ठ
पर्यटन

मध्यपूर्वको तनावले रोकिएको कुवेत एयरवेजले मंगलबारबाट नियमित उडान भर्दै

क्यापिटल नेपाल आइतबार, जेठ ३, २०८३

काठमाडौं। मध्यपूर्वमा देखिएको तनावपछि उडान रोकेको कुवेत एयरवेजले मंगलबारबाट नियमित उडान गर्ने भएको छ।

नेपालमा साताको दुई उडान गरिरहेको कुवेत एयरवेजले मध्यपूर्वमा भएको द्वन्द्वपछि गत फेब्रुअरी १ देखि अनिश्चित कालका लागि उडान रोकेको थियो।

मध्यपूर्वको तनाव केही मात्रामा कम भएसँगै कुवेतले काठमाडौं उडान साताको दुई दिन गर्ने तालिका सार्वजनिक गरेको हो। तालिकाअनुसार मंगलबार र बिहिबार नियमित उडान हुने छ। कुवेतमा धेरै नेपालीहरु रोजगारीका लागि जाने गरेका छन्।

कुवेतबाट हाल कुवेत एयरवेज र जजिरा एयरले उडान गर्दै आएकोमा मध्यपूर्वको तनावपछि रोकिएको थियो। त्यसमध्ये जजिराले भने अहिलेसम्म कुनै तालिका सार्वजनिक गरेको छैन।

प्रकाशित मिति: आइतबार, जेठ ३, २०८३ १३:४५

प्रतिक्रिया दिनुहोस्