भ्रष्टचारको आरोप पुष्टि गरे राजनीतिबाट सन्यास लिन्छु– श्रम मन्त्री यादव

मुख्य समाचार

गृहपृष्ठ
मुख्य समाचार

भ्रष्टचारको आरोप पुष्टि गरे राजनीतिबाट सन्यास लिन्छु– श्रम मन्त्री यादव

क्यापिटल नेपाल सोमबार, जेठ २६, २०७७

काठमाडौं । श्रम, रोजगार तथा सामाजिक सुरक्षा मन्त्री रामेश्वर राय यादवले भ्रष्टचार गरेको आरोप पुष्टि गरे राजनीतिबाट सन्यास लिने घोषणा गरेका छन् । वार्षिक सय जना कामदार पठाउन नसक्ने म्यानपावरको इजाजत पत्र खारेजी हुने व्यवस्था संसोधनको प्रकृयामा रहेका बेला काग्रेस सांसद अमरेशकुमार सिंहले व्यवसायीहरुबाट घुस मागेको आरोप लगाएका थिए ।

संसदमा सम्बोधनकै क्रममा सांसद सिंहले लगाएको आरोप पुष्टि गर्न मन्त्री यादवले चुनौती दिएका हुन । ‘म अहिलेसम्म तीन पटक मन्त्री भइसकेको छु, मन्त्री यादवले भने, ‘राजनीतिक जीवनमै भ्रष्टचार गरेको पुष्टि गरेको प्रमाणित गरेमा पनि म सन्यास लिन्छु’ ।

ऐन संशोधन संसदले नै पास गर्नुपर्ने हुन्छ । त्यसैले अहिले विज्ञहरु बीच छलफल भएर संशोधनका लागि मस्यौदा तयार गरेर संसदमा पेश गर्ने बताए । यसैबीच श्रम मन्त्री यादव माथि घुस मागेको आरोप लगाएको भन्दै नेपाल वैदेशिक रोजगार ब्यवसायी सघले विज्ञप्ती जारी आपत्ति जनाएको छ । कानुनतः प्रकृयामा रहेको विषयमा मन्त्रीलाई जोडेर अनावश्यक विवादमा तान्न खोजिएको जनाएको छ ।

विज्ञप्तिमा वार्षिक सय जना कामदार पठाउन नसक्ने म्यानपावरको इजाजत पत्र खारेजी हुने वैदेशिक रोजगार ऐन २०६४ को व्यवस्था संसोधन गर्न मन्त्रिषरिषद् बैठकले गत चैत १६ गते प्रकृया अगाडि बढाउने निर्णय गरेको उल्लेख छ । विद्यमान व्यवस्था कायम रहँदा ७५ प्रतिशत म्यानपावरको इजाजत पत्र नविकरण हुन नसक्ने अवस्था रहेको संघले जनाएको छ।

प्रकाशित मिति: सोमबार, जेठ २६, २०७७ १५:३१

प्रतिक्रिया दिनुहोस्