जनतालाई पैसामा मात्रै बाँढ्ने भए हामी पनि भेनेजुयला भइहाल्छौँ निः अर्थमन्त्री वाग्ले

राजनीति

गृहपृष्ठ
राजनीति

जनतालाई पैसामा मात्रै बाँढ्ने भए हामी पनि भेनेजुयला भइहाल्छौँ निः अर्थमन्त्री वाग्ले

क्यापिटल नेपाल बिहीबार, जेठ २८, २०८३

काठमाडौं। अर्थमन्त्री डा. स्वर्णिम वाग्लेले आगामी आर्थिक वर्षको बजेटबाट देशमा रुपान्तकारी परिवर्तन आउने अपेक्षा गरेका छन्। उनले यसका लागि गरिबी र विकट स्थानका जनतालाई बढी ध्यानमा राखेर बजेट विनियोजन गरेको दाबी गरे।

‘जनतालाई पैसामा मात्रै बाँढ्ने भए हामी पनि भेनेजुयला भइहाल्छौँ नि, त्यसैले समातामूलक तवरबाट विकास गर्ने गरी बजेट आएको छ,’ उनले भने, ‘कृषिको क्षेत्रमा लामो समयदेखि बजेट विनियोजन हुँदै आयो, तर कुनै परिवर्तन हुन सकेन।’

उनले दुई करोड लगानी गर्न नसक्ने किसानलाई सामूहिक रुपमा काम गर्न वा ठूला समूहसँग मिलेर अगाडि बढ्न सक्ने धारणा विकास गरेको उनको भनाइ थियो।

यस्तै, उनले देशमा व्यवस्थित र सुरक्षित भविष्यका लागि हुने गरी काम गरेको बताए। यसले देशका श्रमिकलाई यही काम गर्ने वातावरण हुने बताए। उनले आफूहरूले श्रम मन्त्रालयलाई वैदेशिक श्रम व्यापार गर्न मात्र नभई देशमै भएका श्रमिकको रक्षा गर्नमा जोड दिने बताए।

प्रकाशित मिति: बिहीबार, जेठ २८, २०८३ १६:१४

प्रतिक्रिया दिनुहोस्