अमेरिका-इरानलाई दिगो शान्ति सम्झौता गर्न उच्च प्रयास राख्न राष्ट्रसंघको आह्वान

अन्तर्राष्ट्रिय

गृहपृष्ठ
अन्तर्राष्ट्रिय

अमेरिका-इरानलाई दिगो शान्ति सम्झौता गर्न उच्च प्रयास राख्न राष्ट्रसंघको आह्वान

क्यापिटल नेपाल शुक्रबार, जेठ २९, २०८३

काठमाडौं। संयुक्त राष्ट्रसंघका महासचिव एन्टोनियो गुटेरेसले अमेरिका र इरानलाई दिगो शान्ति सम्झौताका लागि आफ्ना प्रयासहरूलाई उच्च र दोब्बर बनाउन आह्वान गर्दै द्वन्द्वको पूर्ण पुनरुत्थान गर्ने कुनै पनि क्रियाकलापबाट बच्नु पर्ने कुरामा जोड दिएका छन्।

इरानमाथि अमेरिकाले गरेको आक्रमण र खाडीलगायतकाका छिमेकी देशहरूमा इरानले गरेको प्रतिआक्रमण र शत्रुतापूर्ण क्रियाकलापबाट उल्लेखनीय वृद्धि सहित मध्यपूर्वमा जारी तनावबाट महासचिव गुटेरेस चिन्तित भएको संयुक्त राष्ट्रका प्रवक्ता स्टेफन डुजारिकले बताए।

अन्तर्राष्ट्रिय कानुनअनुसार समुद्री अधिकार र स्वतन्त्रताको अभ्यासलाई सम्मान गर्नुपर्ने कुरामा जोड दिँदै उहाँले सबै पक्षलाई अन्तर्राष्ट्रिय कानुनअन्तर्गत आफ्नो दायित्व कायम राखी नागरिकको सुरक्षाका लागि आवाश्यक सावधानी अपनाउन आह्वान गरेका छन्।

शान्ति प्रक्रियामा अगाडि बढ्ने एक मात्र प्रक्रिया वास्तविक संवाद र वार्ताको माध्यमबाट भएको बताउँदै डुजारिकले वाशिङ्गटन र तेहरानलाई क्षेत्रीय र अन्तर्राष्ट्रिय शान्ति सुरक्षालाई अगाडि बढाउन स्थायी शान्ति सम्झौतामा पुग्न दुवै पक्षले आफ्ना प्रयासलाई दोब्बर बनाउन आग्रह गरेका हुन्।

प्रकाशित मिति: शुक्रबार, जेठ २९, २०८३ १५:२१

प्रतिक्रिया दिनुहोस्