लुम्बिनी प्रदेशको बजेट ३७ अर्ब ३८ करोड, गत वर्षभन्दा कम

राजनीति

गृहपृष्ठ
राजनीति

लुम्बिनी प्रदेशको बजेट ३७ अर्ब ३८ करोड, गत वर्षभन्दा कम

क्यापिटल नेपाल सोमबार, असार १, २०८३

बुटवल। लुम्बिनी प्रदेश सरकारले आगामी आर्थिक वर्ष २०८३/८४ का लागि बजेट सार्वजनिक गरेको छ। प्रदेश सरकराले आगामी आर्थिक वर्षका लागि ३७ अर्ब ३८ करोड ४५ लाख रुपैयाँको वार्षिक बजेट सार्वजनिक गरेको हो।

आर्थिक मामिला तथा योजना मन्त्री धनेन्द्र कार्कीले सोमबार प्रदेश सभामा उक्त रकम बराबरको बजेट प्रस्तुत गरेका हुन्। प्रस्तुत बजेटमध्ये पुँजीगततर्फ २२ अर्ब ७१ करोड ६५ लाख ४० हजार रुपैयाँ तथा चालूतर्फ ११ अर्ब ११ करोड २७ लाख १० हजार रुपैयाँ विनियोजन गरिएको छ।

जसमा वित्तीय व्यवस्थातर्फको रकमसमेत समावेश गरी कुल बजेट ३७ अर्ब ३८ करोड ४५ लाख रुपैयाँ पुगेको हो। चालू आर्थिक वर्ष प्रदेश सरकारले ३८ अर्ब ९१ करोड रुपैयाँ बराबरको बजेट ल्याएको थियो।

यस वर्षको बजेट अघिल्लो वर्षको तुलनामा करिब १ अर्ब ५२ करोड ५५ लाख रुपैयाँले कम हो।

प्रकाशित मिति: सोमबार, असार १, २०८३ १८:४१

प्रतिक्रिया दिनुहोस्