विवादित अभिव्यक्तिबारे मन्त्री लम्सालले दिए स्पष्टीकरण

पूर्वाधार

गृहपृष्ठ
पूर्वाधार

विवादित अभिव्यक्तिबारे मन्त्री लम्सालले दिए स्पष्टीकरण

क्यापिटल नेपाल बिहीबार, असार ४, २०८३

काठमाडौं। पूर्वाधार विकास मन्त्री सुनिल लम्सालले विवादित अभिव्यक्तिबारे स्पष्टीकरण दिएका छन्। विनियोजन विधेयक अन्तर्गत भौतिक पूर्वाधार मन्त्रालयको छलफलमा उठेका प्रश्नको जवाफ दिने क्रममा उनले ‘काम नगर्ने ठेकेदारको खुट्टा भाँचिदिनू’ भन्ने आफ्नो विवादित अभिव्यक्तिबारे स्पष्टीकरण दिएका हुन्।

मन्त्री लम्सालले सरकारको उद्देश्य कुनै पनि व्यवसायीलाई कारबाही गर्ने वा ठेक्का रद्द गर्ने नभई सम्भावना रहेका आयोजनालाई सफल बनाउन सहयोग गर्ने रहेको बताए। उनले भने, ‘अस्ति त पोलको विषयमा म आफैँ पनि विवादमा आएँ। हामीलाई कुनै पनि व्यवसायीलाई कारबाही गर्न र ठेक्का रद्द गर्न मन छैन। हामीले उहाँहरूको सम्भावना एक प्रतिशत मात्रै छ भने पनि हामीले पुस गर्नुपर्छ भन्ने नै हो।’

मन्त्री लम्सालले पूर्वाधार निर्माणमा निर्माण सामग्रीको व्यवस्थापन, वन क्षेत्रको स्वीकृतिमा हुने ढिलाइ, बीमा प्रक्रिया तथा पोल सार्ने समस्या प्रमुख अवरोधका रूपमा रहेको उल्लेख गरे।

प्रकाशित मिति: बिहीबार, असार ४, २०८३ १५:०२

प्रतिक्रिया दिनुहोस्