नेपाल बाल संगठनमा मन्त्री बादीको छड्के अनुगमन

राजनीति

गृहपृष्ठ
राजनीति

नेपाल बाल संगठनमा मन्त्री बादीको छड्के अनुगमन

क्यापिटल नेपाल शुक्रबार, असार १९, २०८३

काठमाडौँ। महिला, बालबालिका, लैङ्गिक तथा यौनिक अल्पसङ्ख्यक र सामाजिक सुरक्षा मन्त्री सिता बादीले शुक्रबार मन्त्रालय र आफ्नो सचिवालयको टोलीसहित नक्सालस्थित नेपाल बाल संगठनमा छड्के अनुगमन गरेकी छन्।

अनुगमनका क्रममा मन्त्री बादीले संगठनको प्रशासनिक, वित्तीय तथा बाल संरक्षणसम्बन्धी गतिविधिबारे जानकारी लिनुका साथै संस्थाको समग्र कार्यसम्पादनको समीक्षा गरेकी थिइन्। उनले सेवा प्रवाहलाई थप प्रभावकारी बनाउन आवश्यक सुधारात्मक कदम तत्काल अघि बढाउन सम्बन्धित पदाधिकारीलाई निर्देशन दिइन्।

मन्त्री बादीले नेपाल बाल संगठनमा सुशासन, पारदर्शिता र जबाफदेहितालाई संस्थागत गर्दै बाल संरक्षण प्रणालीलाई थप प्रभावकारी बनाउन तथा बालबालिकाको सर्वोत्तम हितलाई केन्द्रमा राखेर कार्य गर्न विशेष जोड दिइन्।

यसैबीच, अनुगमनबाट प्राप्त तथ्य, सुझाव तथा संस्थाको समग्र अवस्थाका आधारमा नेपाल बाल संगठनका विषयमा केही दिनभित्रै ठोस निर्णय गरिने मन्त्री बादीले बताइन्।

प्रकाशित मिति: शुक्रबार, असार १९, २०८३ १९:५८

प्रतिक्रिया दिनुहोस्