काठमाडौं महानगरको आगामी आर्थिक वर्षकाे बजेट १६ अर्ब ४२ करोड

मुख्य समाचार

गृहपृष्ठ
मुख्य समाचार

काठमाडौं महानगरको आगामी आर्थिक वर्षकाे बजेट १६ अर्ब ४२ करोड

क्यापिटल नेपालबुधबार, असार १०, २०७७

काठमाडौं। काठमाडौं महानगरपालिकाले आगामी आर्थिक वर्ष २०७७/७८ का लागि १६ अर्ब ४२ करोड ७३ लाख २६ हजार रुपैयाँको बजेट प्रस्तुत गरेको छ ।
काठमाडौं महानगरपालिकाकी उपप्रमुख हरिप्रभा खड्गी ’श्रेष्ठ’ आगामी आर्थिक वर्षमा हुने कार्यक्रम कार्यान्वयनका लागि बजेछट नगरसभाको सातौं अधिवेशनमा प्रस्तुत गरेकी हुन्।

उनले बजेटमा आर्थिक विकास क्षेत्रका लागि १७ करोड २३ लाख रुपैयाँ विनियोजन गरेको बताइन् । त्यसैगरी कार्यालय सञ्चालन तथा प्रशासनिक क्षेत्रको लागि १ अर्ब ७८ करोड २७ लाख ५० हजार रुपैयाँ विनियोजन गरेको छ। यो कुल बजेटको १०.८५ प्रतिशत हो।

त्यस्तै, पूर्वाधार विकास क्षेत्रमा भने ८ अर्ब ४३ करोड रुपैयाँ विनियोजन गरिएको छ । सामाजिक विकास क्षेत्रमा २ अर्ब ४९ करोड, सुशासन तथा अन्तर सम्वन्धित क्षेत्रका लागि ९६ करोड रुपैयाँ विनियोजन भएको छ ।

महानगरले बजेटको स्रोतमध्ये राजश्व लगायतका आन्तरिक श्रोतबाट आगामी आर्थिक वर्षमा ६ अर्ब ७६ करोड संकलन हुने अनुमान गरेको छ । संघीय सरकारबाट ससर्त अनुदानवापत २ अर्ब ५७ करोड ५१ लाख रुपैयाँ (करिब १६ प्रतिशत) र निसर्त अनुदान १ अर्ब ४२ करोड ४९ लाख आउने उल्लेख गरेको छ । काठमाडौंका विभिन्न जग्गा एकीकरण आयोजनाबाट ९६ करोड ८ लाख २६ हजार रुपैयाँ जुट्ने बताइएको छ ।

प्रकाशित मिति: बुधबार, असार १०, २०७७ १९:२१

प्रतिक्रिया दिनुहोस्