सांग्रिला मुद्दती धमाका योजना खाता सञ्चालन, ८० प्रतिशतसम्म कर्जा सुविधा पाइने

मुख्य समाचार

गृहपृष्ठ
मुख्य समाचार

सांग्रिला मुद्दती धमाका योजना खाता सञ्चालन, ८० प्रतिशतसम्म कर्जा सुविधा पाइने

क्यापिटल नेपाल बुधबार, भदौ १, २०७९

काठमाडौं । सांग्रिला डेभलपमेन्ट बैंकले आफ्ना ग्राहकलाई लक्षित गरी सांग्रिला मुद्दती धमाका योजना सार्वजनिक गरेको छ । ग्राहकहरूले यो योजना न्यूनतम मौज्दात १० हजार रूपैयाँबाट सुरु गर्न सक्नेछन् ।

साे मुद्दती योजनाअन्तर्गत बचत रकमअनुसार ४ गुणा, ५ गुणा र १० गुणासम्म प्रतिफल प्राप्त गर्न सकिनेछ । ग्राहकले यस योजनाअन्तर्गत आफ्नो बचत रकमको १२ वर्ष २ महिना १४ दिनमा ४ गुणा रकम/प्रतिफल प्राप्त गर्न सक्नेछन् भने सोहीअनुसार १४ वर्ष २ महिना १ दिन र २० वर्ष ३ महिना १४ दिनमा क्रमशः ५ गुणा र १० गुणा रकम/प्रतिफल प्राप्त गर्न सक्नेछन् ।

यस योजनाअन्तर्गतका खातामा ग्राहकले कर्जाको सुविधा प्राप्त गर्न सक्ने समेत व्यवस्था गरिएको छ । ग्राहकले आफ्नो बचत रकममा कर्जा लिने/दिने दिनसम्म पुँजीकरण गरिएको व्याज रकमसमेत जोडेर हुन आउने रकमको ८० प्रतिशतसम्म कर्जा सुविधा प्राप्त गर्न सक्नेछन् ।

यस योजनामा सहभागी हुन चाहने ग्राहकहरुले मुलुकभर रहेको १ सय १२ शाखा कार्यालयमार्फत सुलभ तरिकाले खाता खोली रकम बचत गर्न तथा कर्जा सुविधा लिन सक्नेछन् । यो योजना सीमित अवधिको लागि मात्र सञ्चालन गरिएको छ ।

प्रकाशित मिति: बुधबार, भदौ १, २०७९ १२:१४

प्रतिक्रिया दिनुहोस्