वैदेशिक रोजगार व्यवसायी संघको एक हप्ते अल्टिमेटम, मलेसियाको रोजगार नखुले विभाग घेराउ गर्ने

मुख्य समाचार

गृहपृष्ठ
मुख्य समाचार

वैदेशिक रोजगार व्यवसायी संघको एक हप्ते अल्टिमेटम, मलेसियाको रोजगार नखुले विभाग घेराउ गर्ने

क्यापिटल नेपाल बिहीबार, असार ५, २०७६

काठमाडौं । १३ महिनादेखि बन्द रहेको मलेसियाको रोजगारी एक साताभित्रमा खुलाउन नेपाल वैदेशिक रोजगार व्यवसायी संघले सरकारलाई अल्टिमेटम दिएको छ । नेपाल र मलेसियाबीच श्रम समझदारी भएको ८ महिना वितिसक्दासमेत रोजगारी नखुलाएको भन्दै १ साताको लागि अल्टिमेटम दिएको हो ।

संघका अध्यक्ष रोहण गुरुङले १२ गतेभित्रमा रोजगारी नखुलाएमा १३ गते वैदेशिक रोजगार विभागको कार्यलय बुद्धनगरमा विरोध तथा घेराउ गर्ने बताए । त्यसबाट उत्पन्न हुने समस्या र परिणामको सम्पूर्ण जवाफदेखि सरकार र विभाग हुने संघको चेतावनी छ ।

श्रम, रोजगार तथा सामाजिक सुरक्षा मन्त्री गोकर्ण विष्टले गत जेठ ३ गते मलेसिया जाने कामदारमाथि आर्थिक भार पार्ने विभिन्न ५ ओटा संस्थाहरुलाई कार्वाही गर्ने भन्दै तत्कालका लागि मलेसियाको रोजगार बन्द गराएका थिए । तर ८ महिनाअघि भएको श्रम समझदारीमा भने ती संस्थाहरु यथावत रहने र कामदारबाट लिने शुल्क रोजगारदाता कम्पनीले बेहोर्ने सहमतिका साथ हस्ताक्षर गरिएको थियो ।

चौतर्फी दबाबपछि मन्त्री विष्टले केही महिनाअघि कलिङ भिसा आएकाहरुलाई मलेसिया पठाएपनि नयाँ कामदारहरुलाई भने अझै खुला गराएका छैनन् । संघले केही साताअघि मात्र मलेसियाको रोजगारी खुलाउनेदेखि वैदेशिक रोजगारीको क्षेत्रमा भएको समस्याहरु समधानका लागि सरकारलाई दबाब दिन भन्दै १ सातासम्म वैदेशिक रोजगारमा कामदार पठाउन रोकेका थिए ।

प्रकाशित मिति: बिहीबार, असार ५, २०७६ ११:२७

प्रतिक्रिया दिनुहोस्