गुगल मिट एक घण्टा मात्रै नि:शुल्क

मुख्य समाचार

गृहपृष्ठ
मुख्य समाचार

गुगल मिट एक घण्टा मात्रै नि:शुल्क

क्यापिटल नेपाल मंगलबार, असोज १३, २०७७

सन फ्रान्सिस्को (अमेरिका) । अमेरिकी बहुराष्ट्रिय प्रविधि कम्पनी गुगलको गुगल मिट’ सेवा अब एक घण्टा मात्रै नि : शुल्क प्रयोग गर्न पाइने भएको छ ।

सुरुमा सवै नि:शुल्क सेवा दिएको भए पनि सेप्टेम्बर ३० देखि एक पटकमा बढीमा ६० मिनेट मात्रै नि:शुल्क प्रयोग गर्न पाइने भएको हो ।

‘विगतमा १०० जनाभन्दा बढी मान्छेहरूसँग एकै पटकमा असीमित समयसम्म नि:शुल्क बैठक तथा कुराकानी गर्न मिल्ने व्यवस्था थियो, अब त्यसको समय सीमित गरिएको छ,’ कम्पनीका एक जना प्रवक्ताले भने ।

यसको अन्य सेवा तथा कार्य प्रणालीमा कुनै परिवर्तन नगरिएको र परिवर्तन गरिएमा जानकारी गराउने पनि उनले बताए । कोरोना भाइरसको महामारीबीच भिडियो कन्फ्रेन्सको माग बढेपछि कम्पनीले केही समयअघि मात्रै गुगल मिट सेवा सुरु गरेको थियो । एजेन्सी

प्रकाशित मिति: मंगलबार, असोज १३, २०७७ ०७:११

प्रतिक्रिया दिनुहोस्