माइक्रोसफ्टले कर्मचारीलाई स्थायी रूपमा घरबाटै काम गर्न दिने

मुख्य समाचार

गृहपृष्ठ
मुख्य समाचार

माइक्रोसफ्टले कर्मचारीलाई स्थायी रूपमा घरबाटै काम गर्न दिने

क्यापिटल नेपाल मंगलबार, असोज २७, २०७७

कम्प्यूटर सफ्टवेयर निर्माता कम्पनी माइक्रोसफ्टले आफ्ना कर्मचारीलाई स्थायी रूपमा घरबाटै काम गर्न दिने बताएको छ । घरबाटै काम गर्नका लागि भने कार्यरत कर्मचारीले म्यानेजरबाट अनुमति लिनुपर्ने छ ।

माइक्रोसफ्टले केही कर्मचारीले भने कार्यालयमै आएर काम गर्नुपर्ने नियम लागू गरेको छ । कार्यालयमा हार्डवेयरसम्बन्धी कार्य गर्ने कर्मचारीले भने कार्यालयमै आएर काम गर्नुपर्ने भनी कम्पनीका प्रवक्ताले बताएको भन्दै सीएनवीसीले आफ्नो वेबसाइटमा समाचार छापेको छ ।

यसअघि अरू दुई ओटा अमेरिकी कम्पनी फेसबुक र ट्विटरले पनि यस्तै घोषणा गरेका थिए । उनीहरूले आफ्नो कर्मचारीका लागि ‘वर्क फ्रम होम’को नीति स्थायी रूपमै लागू गरिने बताएका छन् । कोरोना महामारीका कारण यी कम्पनी आफ्नो कर्मचारीको कार्यशैलीमा परिवर्तन गर्न बाध्य भएका हुन् ।

कर्मचारीहरूले घरबाटै काम गर्ने भएपछि कम्पनीहरूले कार्यालयको ‘स्पेस’ घटाउने प्रयास गरेका छन् । ‘हाम्रो उद्देश्य भनेको आफ्नो इच्छासहित धेरै काम गराउने हो । त्यसमा कम्पनीले नेतृत्व गर्ने छ, जसले यो प्रकृतिको कार्यशैलीको विकास र प्रवर्द्धन गर्नेछ’, कम्पनीका प्रवक्ताले भनेका छन्, ‘यो नियम धेरै ठाउँमा रहेर काम गर्ने कर्मचारीको हकमा लागू हुनेछ ।’ एजेन्सी

प्रकाशित मिति: मंगलबार, असोज २७, २०७७ ११:१२

प्रतिक्रिया दिनुहोस्