शिवम सिमेन्ट्सको नाफा १६ प्रतिशतले बढ्यो, ६ महिनामा ५८ करोड ९६ लाख

मुख्य समाचार

गृहपृष्ठ
मुख्य समाचार

शिवम सिमेन्ट्सको नाफा १६ प्रतिशतले बढ्यो, ६ महिनामा ५८ करोड ९६ लाख

क्यापिटल नेपालमंगलबार, माघ २७, २०७७

काठमाडौं । शिवम सिमेन्ट्स लिमिटेडको खुदनाफा १६.१३ प्रतिशतले बढेको छ । चालु आर्थिक वर्षको दोस्रो त्रैमाशमा शिवमले ५८ करोड ९६ लाख रुपैयाँ खुदनाफा गरेको छ ।

अघिल्लो वर्षको यसै अवधिमा कम्पनीले ५० करोड ७७ लाख रुपैयाँ नाफा गरेको थियो । गत वर्षको भन्दा यो वर्ष कम्पनीको नाफा ८ करोड रुपैयाँ बढेको मंगलबार सार्वजनिक गरेको वित्तीय विवरणमा उल्लेख छ ।

दोस्रो त्रेमाशमा सिमेन्ट बिक्रीबाट हुने आम्दानी भने ९.३६ प्रतिशतले घटेर ४ अर्ब २५ करोड ५९ लाख रुपैयाँमा सिमित भएको छ ।अघिल्लो वर्षको यसै अवधिमा सिमेन्ट बिक्रीबाट कम्पनीले ४ अर्ब ६९ करोड ५६ लाख १ हजार रुपैयाँ कमाएको थियो ।

कम्पनीको चुक्तापुँजी ४ अर्ब ४० करोड रुपैयाँ र जगेडा कोषमा ३ अर्ब ६१ करोड २१ लाख ४३ हजार रुपैयाँ छ । पुस मसान्तसम्म प्रतिसेयर आम्दानी वार्षिक २६ रुपैयाँ ८० पैसा र प्रतिसेयर नेटवर्थ २०३ रुपैयाँ ८३ पैसा छ ।

प्रकाशित मिति: मंगलबार, माघ २७, २०७७ ०९:०१

प्रतिक्रिया दिनुहोस्