नेप्सेले गर्यो सूचीकृत समूहहरुको हेरफेर र विभाजन

मुख्य समाचार

गृहपृष्ठ
मुख्य समाचार

नेप्सेले गर्यो सूचीकृत समूहहरुको हेरफेर र विभाजन

क्यापिटल नेपालशनिबार, फागुन १५, २०७७

काठमाडौं : नेपाल स्टक एक्सचेन्जले सूचीकृत समूहहरुको हेरफेर तथा समूह विभाजन गरेको छ । जसमध्ये अन्य समूहमा रहेका ८ कम्पनीहरुमध्ये ४ वटालाई लगानी समूहमा राखिएको छ । यो नयाँ समूह बनाइएको हो । साथै, यसअघिको होटेल्स समूहको नाम परिवर्तन गरी होटेल्स तथा पर्यटन समूह बनाइएको छ ।

यसमा भर्खरै बजारमा सूचीकृत चन्द्रागिरि हिल्सलाई पनि समावेश गरिएको छ । बाँकी होटेल्सहरु यतावत् छन् । यता, लगानी समूहमा नागरिक लगानी कोष, एचआइडीसीएल, निफ्रा, एनआरएन परेका छन् । यसअघि नेप्सेमा म्युचुअल फन्डबाहेक ११ वटा समूह रहेका थिए । अब १२ समूह भएको छ ।

म्युचुअल फन्डसमेत गर्दा १३ समूह हुन्छ । हाल नेप्सेमा २१८ वटा कम्पनी सूचीकृत छन् । नयाँ व्यवस्थाबाट परिसूचक गणनामा लगानीकर्तालाई थप सहज हुने नेप्सेको भनाई छ । यस्तै, अब नेप्से, सेन्सेटिभ, सेन्सेटिभ फ्लोट, म्युचुअल फन्डसहित अब विभिन्न १६ वटा परिसूचक गणना गर्नेछ ।