प्लेन टिकट भएकाहरु कसरी जान्छन् एयरपोर्ट ? आयोनले सरकारसँग भन्यो ‘वातावरण मिलाउ’

मुख्य समाचार

गृहपृष्ठ
मुख्य समाचार

प्लेन टिकट भएकाहरु कसरी जान्छन् एयरपोर्ट ? आयोनले सरकारसँग भन्यो ‘वातावरण मिलाउ’

क्यापिटल नेपालमंगलबार, वैशाख १४, २०७८

काठमाडौं । अन्तर्राष्ट्रिय उडानमा रहेका यात्रुहरुलाई जस्तै आन्तरिक उडानको टिकट भएका यात्रुहरुलाई पनि सहज रुपमा विमानस्थलसम्म जान सक्ने वातावरण मिलाउन सरकारसँग माग गरेको छ ।

सरकारले वैशाख १६ गतेबाट १५ दिन निषेधाज्ञा जारी गर्ने निर्णय गरे पनि आन्तरिक उडान भने नरोक्ने निर्णय गरेसँगै वायुसेवा सञ्चालक संघ (आयोन) को मंगलबार बसेको बैंठकले यात्रुहरुलाई सहजीकरण गरिदिन नेपाल नागरिक उड्डयन प्राधिकरणसँग अनुरोधका लागि पत्र पठाएको हो ।

वायुसेवा सञ्चालक संघका महासचिव मनोज कार्कीले संक्रमित रहित यात्राको लागि एयरलाइन्सहरु प्रतिबद्ध रहेको बताउँदै यात्रुहरुका लागि विमानस्थलसम्म जान सहजिकरण गरिदिन प्राधिकरणलाई अनुरोध गर्ने निर्णय भएको जानकारी दिए ।

सरकारले उपत्यकामा मात्र निषेधाज्ञा जारी गरेकोले त्यो अवधिमा बाहिरी जिल्ला जाने र त्यहाँबाट आउने यात्रुहरुलाई सहज होस भन्ने उद्धेश्यले जहाज सञ्चालन गरिराख्ने निर्णय भएको उनको भनाई छ ।

निषेधाज्ञा घोषणा गरेसँगै अहिले आन्तरिक उडानमा चाप बढेको छ । यस्तै सरकारले अन्तर्राष्ट्रिय उडानमा पनि रोक लगाएको छैन । विदेश जाने यात्रुहरुलाई टिकटको भरमा विमानस्थलसम्म जान सहजीकरण गर्ने निर्णय यस अघिनै गरिसकेको छ ।

प्रकाशित मिति: मंगलबार, वैशाख १४, २०७८ १३:३२

प्रतिक्रिया दिनुहोस्