ताप्लेजुङको सुकेटार विमानस्थलमा नियमित उडान सुरु

मुख्य समाचार

गृहपृष्ठ
मुख्य समाचार

ताप्लेजुङको सुकेटार विमानस्थलमा नियमित उडान सुरु

क्यापिटल नेपालसोमबार, असार २१, २०७८

ताप्लेजुङ । ताप्लेजुङ जिल्लाको सुकेटार विमानस्थलमा आजदेखि नियमित नेपाल वायु सेवा निगमले उडान सुरु गरेको छ । कोभिडका कारणले नियमित उडान दुई महिना बन्द भएको थियो ।

आज काठमाडौँबाट नौ यात्रु लिएर आएको विमान मौसम खराबीका कारण अवतरण हुन नसकेको सुकेटार विमानस्थलका स्टेसन इन्चार्ज लोकेन्द्र लिम्बूले बताए । बाह्र मिनेटभन्दा बढी अवतरणको प्रयास गर्दा पनि मौसमका कारणले अवतरण हुन नसकेर काठमाडौंमै फर्किएको जनाइएको छ ।

ताप्लेजुङबाट १२ यात्रु काठमाडौं जानका लागि बुकिङ गरेर सुकेटार विमानस्थलसम्म पुगेका थिए । मौसमका कारणले विमान अवतरण हुन नसक्दा पूर्न फुङ्लिङ बजार फर्कीएको लिम्बूले बताए।सुकेटारमा हप्तामा चार दिन (सोमबार, बुधबार, शुक्रबार र शनिबार) नियमित उडान हुने सुकेटार विमानस्थल कार्यालयले जनाएको छ ।

तत्कालका लागि काठमाडौंदेखि ताप्लेजुङसम्म ७ हजार ५० रूपैयाँ र ताप्लेजुङदेखि काठमाडौं ७ हजार १ सय ९० रूपैयाँ भाडा तोकिएको सुकेटार विमानस्थल कार्यालयले जनाएको छ ।

निगमले ताप्लेजुङदेखि प्रदेश नं १ राजधानी विराटनगरमा पनि नियमित उडानका लागि प्रक्रिया अगाडि बढाइरहेको बताइएको छ । रासस

प्रकाशित मिति: सोमबार, असार २१, २०७८ ११:३७

प्रतिक्रिया दिनुहोस्