क्याप्टेन आङगेलु शेर्पा : जसले यसरी बचाए ७३ जना यात्रु

मुख्य समाचार

गृहपृष्ठ
मुख्य समाचार

क्याप्टेन आङगेलु शेर्पा : जसले यसरी बचाए ७३ जना यात्रु

क्यापिटल नेपालसोमबार, असोज ११, २०७८

काठमाडौं । सोमबार विहान काठमाडौंबाट विराटनगरका लागि उडेको जहाज अवतरण गर्ने बेलामा ल्याण्डिङ गियर इन्डिकेटरमा समस्या देखिएपछि क्याप्टेन आङगेलु शेर्पा(एजी)ले तत्कालै टावरमा जानकारी गराए ।

टावरले पनि गियर नझरेको जानकारी दिएपश्चात् जहाजलाई क्याप्टेनले पुनः काठमाडौं फर्काउने निणर्य गरे । सुरक्षा निर्देशिका अनुसार जहाजमा रहेको इन्धनलाई कम गर्न केही बेर काठमाडौंको आकाशमा फन्को मारी सबै सुरक्षा मापदण्ड पुरा गरि सुरक्षितसाथ अवतरण गरेको छ ।

जहाजमा ल्याण्डिङ गेयरका लागि दुईवटा इन्डिकेटर रहेको हुन्छ । जस अनुसार प्राइमेरी इन्डिकेटरमा संकेत नदेखिएको तर सेकेण्डरी इण्डिकेटरमा सबै ठिकठाक रहेको देखियो ।

‘सुरक्षामा शुन्य सहनशिलता’ अनुसार क्याप्टेनले जहाज तुरुन्तै काठमाडौंमा फर्काउने निणर्य गर्‍यो । काठमाडौं आकाशमा आइसकेपछि क्याप्टेनले बुद्ध एयरको टेक्निकल टिमको रेडियो सम्पर्कमा ल्याण्डिङ गियर चेकजाँच गर्दा सही र झरेको जानकारी दियो ।

जस अनुसार अन्तर्राष्ट्रिय तथा नागरिक उड्डयन प्राधिकरणले जारी गरेको दिशा निर्देशिका अनुसार काठमाडौं विमानस्थलमा सुरक्षितसाथ जहाजलाई ‘नर्मल’ अवतरण गराइयो ।

जहाजमा २ जना बच्चा , ३ जना इन्फ्याण्ट गरि ७३ जना यात्रु रहेको थियो । क्याप्टेन शेर्पा बुद्ध एयरका स्ट्रक्चर पाइलट सँगै अनुभवी भित्र पर्छन ।

प्रकाशित मिति: सोमबार, असोज ११, २०७८ १५:००

प्रतिक्रिया दिनुहोस्