चन्द्रागिरि केबुलकार दसैँ र तिहारमा पनि खुल्ने

मुख्य समाचार

गृहपृष्ठ
मुख्य समाचार

चन्द्रागिरि केबुलकार दसैँ र तिहारमा पनि खुल्ने

क्यापिटल नेपालआइतबार, असोज १७, २०७८

काठमाडौं । चन्द्रागिरि केबुलकार दसैं तिहारमा पनि खुल्ने भएको छ । चन्द्रागिरि हिल्स लिमिटेडले भालेश्वर मन्दिर दर्शन र चन्द्रागिरि रिसोर्टमा जाने पाहुनाका लागि लक्षित गरेर दसैँ तथा तिहारमा पनि केबुलकार खोल्ने निर्णय गरेको हो ।

हिल्सका महाप्रबन्धक अभिषेकविक्रम शाहले दसैँ तथा तिहारमा चन्द्रागिरि घुम्न जाने पाहुनालाई लक्षित गरेर दसैँ तथा तिहारका सबै दिन केबुलकार तथा रिसोर्ट सञ्चालन गर्न लागेको जानकारी दिए ।

हाल चन्द्रागिरि हिल्समा केबुलकारमार्फत एक हजार हाराहारीमा स्वदेशी तथा विदेशी पर्यटक आवतजावत गर्दै आएका छन् । ९० कोठा रहेको चन्द्रागिरि रिसोर्टसमेत दैनिक ६० प्रतिशत बुकिङ हुँदै आएको महाप्रबन्धक शाहले बताए ।

हिल्सले दोस्रो चरणको कोरोना सङ्क्रमणको समयको सदुपयोग गर्दै भालेश्वर मन्दिरदेखि खेलमैदानसम्म १०० मिटर लामो जिपलाइनसमेत सञ्चालनमा ल्याएको छ । उक्त जिपलाइनको मज्जा लिनका लागिसमेत दैनिक सयौँ पर्यटक चन्द्रागिरि पुग्ने गरेका छन् । रासस

प्रकाशित मिति: आइतबार, असोज १७, २०७८ १६:५९

प्रतिक्रिया दिनुहोस्