दूरसञ्चारले घटायाे अन्तर आबद्धता शुल्क, एकबाट अर्कोमा कल गर्दा प्रतिमिनेट १० पैसा

मुख्य समाचार

गृहपृष्ठ
मुख्य समाचार

दूरसञ्चारले घटायाे अन्तर आबद्धता शुल्क, एकबाट अर्कोमा कल गर्दा प्रतिमिनेट १० पैसा

क्यापिटल नेपाल बिहीबार, माघ ६, २०७८

काठमाडौं । नेपाल दूरसञ्चार प्राधिकरणले अन्तर आबद्धता शुल्क घटाएको छ । एउटा कम्पनीको नम्बरबाट अर्को कम्पनीको नम्बरमा फोन गर्दा लाग्ने शुल्क घटेको छ । वि.सं.२०७६ सालदेखि नै लागू गर्ने भनिए पनि दुई वर्ष ढिलो लागू भएको हो ।

प्राधिकरणले एउटा कम्पनीबाट अर्को कम्पनीको नम्बरमा फोन गर्दा एकैपटक ४४ पैसा शुल्क घटाएको हो । यसअघि, एउटा कम्पनीको सिमबाट अर्को कम्पनीमा फोन गर्दा प्रतिमिनेट ५४ पैसा शुल्क लाग्थ्यो । अब प्रतिमिनेट १० पैसा मात्र शुल्क लाग्ने छ ।

नेपाल टेलिकमका ग्राहकले अब एनसेलमा फोन गर्दा यसअघि प्रतिमिनेट ५४ पैसा शुल्क तिर्नुपथ्यो । अब भने तिनै ग्राहकले १० पैसा तिरे हुनेछ । यो नियम स्मार्ट टेलिकमका ग्राहकको हकमा पनि लागू हुनेछ ।

प्रकाशित मिति: बिहीबार, माघ ६, २०७८ १५:०६

प्रतिक्रिया दिनुहोस्