विकास बैंक र फाइनान्स कम्पनीले पनि बढाए ब्याजदर, मुद्दतीको पुग्यो १२.७२ प्रतिशत

मुख्य समाचार

गृहपृष्ठ
मुख्य समाचार

विकास बैंक र फाइनान्स कम्पनीले पनि बढाए ब्याजदर, मुद्दतीको पुग्यो १२.७२ प्रतिशत

क्यापिटल नेपाल शुक्रबार, माघ २८, २०७८

काठमाडौं । वाणिज्य बैंकहरुले निक्षेपको ब्याजदर बढाएपछि विकास बैंक र फाइनान्स कम्पनीले पनि बढाउने भएका छन् । फागुनदेखि विकास बैंकले व्यक्तिगत मुद्दती निक्षेपको ब्याज ११.३९ प्रतिशत पुर्याउने भएका छन् ।

यसअघि यस्तो निक्षेपमा विकास बैंकहरुले १०.३५ प्रतिशत ब्याजदर दिदै आएका थिए । संस्थागत निक्षेपलाई विकास बैंकहरुले १०.२९ प्रतिशत ब्याज दिने भएका छन् ।

यसैगरी फाइनान्स कम्पनीले पनि ब्याजदर बढाउने तयारी गरेका छन् । फाइनान्स कम्पनीहरुले व्यक्तिगत मुद्दतीमा ११.७२ प्रतिशत पुर्याउने भएका छन् ।

यसैगरी संस्थागत मुद्दती निक्षेपको ब्याजदर १०.६२ प्रतिशत पुर्याएका छन् । माघमा फाइनान्स कम्पनीहरुले व्यक्तिगत मुद्दतीतर्फ १०.६५ र संस्थागततर्फ ९.६५ प्रतिशत ब्याजदर दिदै आएको थिए ।

रेमिट्यान्समार्फत प्राप्त हुने रकममा वाणिज्य बैंकहरुले १२.०३, विकास बैंकले १२.३९ र फाइनान्स कम्पनीले १२.७२ प्रतिशत ब्याजदर कायम गरेका छन् ।

प्रकाशित मिति: शुक्रबार, माघ २८, २०७८ १६:३१

प्रतिक्रिया दिनुहोस्