महानिर्देशक क्षेत्री प्राधिकरण आए, हाजिर नगरी फर्किए

मुख्य समाचार

गृहपृष्ठ
मुख्य समाचार

महानिर्देशक क्षेत्री प्राधिकरण आए, हाजिर नगरी फर्किए

क्यापिटल नेपाल सोमबार, फागुन २, २०७८

काठमाडौं । सर्वाेच्च अदालतकाे आदेशपछि नेपाल नागरिक उड्डयन प्राधिकरणमा फर्किएका महानिर्देशक राजकुमार क्षेत्री हाजिर नगरी फर्किएका छन् ।

अदालतले क्षेत्रीलाई महानिर्देशककाे रूपमा काममा फर्कने बाटो खुलाए पनि हाजिर हुने विषयमा अस्पष्ट रहेको जिकिर प्राधिकरणका कानुन शाखाका अधिकारीहरुकाे व्याख्यापछि उनी हाजिर नगरी फर्किएका हुन् ।

अदालतकाे आदेशलाई पालना गर्न आफू प्राधिकरणमा आएको बताउँदै हाजिरसम्बन्धी कानुनी अस्पष्टताकाे विषयमा महानिर्देशक क्षेत्रीले आफ्ना कानुन व्यवसायीसँग छलफल सुरु गरेका छन् ।

सर्वोच्चले दुवै पक्षलाई छलफलका लागि ९ गते अदालतमा बाेलाएकाे छ । महानिर्देशक क्षेत्रीले अदालतकाे निर्णय आफू मान्न तयार रहेको बताउँदै अरू पनि मान्न तयार रहनुपर्ने जिकिर गरेका छन् ।

प्राधिकरणमा यसअघि नियुक्ति पाएका महानिर्देशक प्रदीप अधिकारी पनि कार्यालयमा उपस्थित छन् । क्षेत्री आउने भएपछि प्राधिकरणमा सुरक्षा व्यवस्थासमेत कडा पारिएको थियो ।

प्रकाशित मिति: सोमबार, फागुन २, २०७८ १३:२९

प्रतिक्रिया दिनुहोस्