मर्सडिज बेन्ज र लेक्ससलाई पछि पार्दै नम्बर वान ब्राण्ड बन्यो बीएमडब्लू

अटो

गृहपृष्ठ
अटो

मर्सडिज बेन्ज र लेक्ससलाई पछि पार्दै नम्बर वान ब्राण्ड बन्यो बीएमडब्लू

क्यापिटल नेपाल शनिबार, फागुन २१, २०७८

काठमाडौं । विश्वप्रसिद्ध मोटर ब्रान्ड मर्सडिज बेन्ज र लेक्ससलाई पछि पार्दै बीएमडब्लू अमेरिकाको नम्बर वान लक्जरी प्रिमियम कार कम्पनी बनेको छ । दुई वर्षदेखि सम्पूर्ण कार कम्पनीलाई पछि पार्दै अग्रणी कम्पनीका रूपमा उदाउँदै आएको बीएमडब्लूले लगातार तेस्रो वर्ष २०२१ मा पनि यो ताज हासिल गरेको हो ।

विश्वभरका कार कम्पनीहरु चिप अभावको समस्यासँग जुधिरहेको समयमा बीएमडब्लूले सबैभन्दा धेरै कार बिक्री गर्न सफल भएको हो । वर्षभरि बिक्री भएको गाडीको आधिकारिक तथ्यांक कम्पनीले सार्वजनिक गर्न बाँकी छ । तर, डेलिभरि रेकर्डअनुसार बीएमडब्लूले मर्सडिज बेन्जलाई पछि पारेको तथ्यांकले देखाउँछ ।

डेलिभरि रेकर्डका अनुसार कम्पनीले २०२१ म २२ लाख गाडी बिक्री गरेको छ भने मर्सडिज बेन्जले २० लाख ५० हजार गाडी मात्र बिक्री गरेको थियो । चिप अभावका कारण मर्सडिज बेन्जको उत्पादनमा क्षमतामा कमी आएको थियो । गत वर्ष मर्सडिजको प्यासेन्जर भेहिकल सेग्मेन्ट ५ प्रतिशतले घटेको थियो । चिप अभाव झनै विकराल बन्दा अन्तिम त्रैमासिकमा उत्पादन परिमाण २५ प्रतिशतले घटेको थियो ।

अर्कोतिर अमेरिकाको म्युनिकमा आधारित बीएमडब्लू कम्पनी चिप अभावबाट कम प्रभावित भएको थियो । चिप अभावका कारण आफ्ना केही उद्योगहरु बन्द गर्न परेपछि बीएमडब्लुले इन कार लाइटनिङ सिस्टमका लागि चिप कम्पनीहरुसँग दीर्घकालीन सम्झौता गरेको थियो ।

कम्पनीले प्रतिवर्ष १० औं लाखको परिमाणमा चिप आपूर्ति गर्न इनोभा र ग्लोबल फाउण्ड्रिज कर्पोरेसन जस्ता कम्पनीहरुसँग सम्झौता गरेको थियो । यसरी आफ्नो उत्पादन सुरक्षित राख्न सफल बीएमडब्लूले २०२१ को ९ महिनासम्म १७ लाख गाडीहरु डेलिभर गरेको थियो । कम्पनीले २०२१ म मर्सडिज बेन्जभन्दा करिब १ लाख १२ हजार युनिट गाडी बढी बिक्री गरेको छ ।

प्रकाशित मिति: शनिबार, फागुन २१, २०७८ १२:५८

प्रतिक्रिया दिनुहोस्