पर्यटनमन्त्री आले आज भारत भ्रमणमा जाँदै, हवाई रुट खोल्न भारत सरकारसँग आग्रह गर्ने

मुख्य समाचार

गृहपृष्ठ
मुख्य समाचार

पर्यटनमन्त्री आले आज भारत भ्रमणमा जाँदै, हवाई रुट खोल्न भारत सरकारसँग आग्रह गर्ने

क्यापिटल नेपाल बिहीबार, चैत १०, २०७८

काठमाडाैं । संस्कृति, पर्यटन तथा नागरिक उड्डयनमन्त्री प्रेमबहादुर आले एकदिने औपचारिक भ्रमणका लागि आज भारत जाँदैछन् ।

भारतीय सरकार तथा विंग्स इन्डिया २०२२ ले पर्यटन तथा नागरिक उड्डयनका क्षेत्रमा गर्न लागेको एक कार्यक्रममा सहभागी हुन मन्त्री आले भारत जान लागेका हुन् ।

भारतको हैदरावादमा हुने उक्त कार्यक्रमको शुक्रबार भारतीय प्रधानमन्त्री नरेन्द्र मोदीले उद्घाटन गर्ने तय भएको बताइएको छ । विभिन्न राष्ट्रका संस्कृति, पर्यटन तथा नागरिक उड्डयनमन्त्री सहभागी हुने उक्त कार्यक्रममा मन्त्री आलेले नेपालको पर्यटन प्रवर्धन तथा नागरिक उड्डयनका क्षेत्रमा आफ्ना धारणा राख्ने कार्यक्रम रहेको मन्त्री आलेसँगै उक्त कार्यक्रममा सहभागी हुन जान लागेका नेपाल नागरिक उड्डयन प्राधिकरणका डिडिजी हंशराज पाण्डेयले जानकारी दिए ।

उनका अनुसार उक्त कार्यक्रममा विशेष गरी मन्त्री आलेले बढीभन्दा बढी पर्यटक भित्र्याउन तथा भारतसँग सिमान जोडिएका विभिन्न विमानस्थलमा हवाई रुट खोल्नेलगायत आवश्यक सहयोगका लागि भारत सरकारसँग आग्रह गर्ने कार्यक्रम तय भएको छ ।

प्रकाशित मिति: बिहीबार, चैत १०, २०७८ ११:४६

प्रतिक्रिया दिनुहोस्