कुटिर उद्योग प्रवर्धनमा नवनियुक्त उद्योगमन्त्रीको जोड, छुट्टै महाशाखा गठन

उद्योग

गृहपृष्ठ
उद्योग

कुटिर उद्योग प्रवर्धनमा नवनियुक्त उद्योगमन्त्रीको जोड, छुट्टै महाशाखा गठन

क्यापिटल नेपाल बिहीबार, चैत २४, २०७८

काठमाडौं । देशको अर्थतन्त्रमा कुटिर उद्योगको योगदान उल्लेख्य रहे पनि त्यस्ता उद्योगको संरक्षणमा उदासीन रहेका बेला नवनियुक्त उद्योगमन्त्री दिलेन्द्रप्रसाद बडूले महाशाखा गठन गरी प्रवर्धन गर्ने बताएका छन् ।

पदभार ग्रहण गर्दै मन्त्री बडूले साना तथा मझौला उद्योग महाशाखा गठन गर्न छुट्टै नीतिको आवश्यक्ता रहेको बताउँदै नीति बनाउन मन्त्रालयका सहसचिवको नेतृत्वमा कार्यदल गठन गर्ने बताएका छन् ।

कोरोना महामारीले शिथिल बनेको अर्थतन्त्र पुनः चलायमान हुन थालेका बेला मुलुकको अर्थतन्त्रसँग जोडिएको मन्त्रालयका तत्कालीन र दीर्घकालीन समस्या एवं चुनौतीहरु सबै मिलेर समाधान गर्नुपर्नेमा जोड दिएका छन् । त्यस्तै आयात÷निर्यात सन्तुलनका लागि तत्कालीन, मध्यकालीन र दीर्घकालीन योजना निर्माण गरी अघि बढ्ने बताएका हुन् ।

प्रधानमन्त्री शेरबहादुर देउवाको सिफारिसमा राष्ट्रपति विद्यादेवी भण्डारीले बडूलाई उद्योग मन्त्रालयको जिम्मेवारी दिएकी थिइन् । बडूले असोज २२ देखि कानुन, न्याय तथा संसदीय मामिला मन्त्रालयको जिम्मेवारी सम्हाल्दै आएका थिए ।

अर्थतन्त्र गम्भीर संकटमा भएका बेला पनि उद्योगमन्त्री नभएको, तालुकदार मन्त्रालयमा गुनासा राख्न नपाएको बताउँदै उद्योगी÷व्यवसायीहरुले कांग्रेसबाटै उद्योग मन्त्री बन्नु पर्ने दवाब दिँदै आएका थिए ।

प्रकाशित मिति: बिहीबार, चैत २४, २०७८ १६:५१

प्रतिक्रिया दिनुहोस्