ग्रीन भेन्चर्स कम्पनीको ३ करोड १२ लाख कित्ता आईपीओ नेप्सेमा सूचीकृत

मुख्य समाचार

गृहपृष्ठ
मुख्य समाचार

ग्रीन भेन्चर्स कम्पनीको ३ करोड १२ लाख कित्ता आईपीओ नेप्सेमा सूचीकृत

क्यापिटल नेपालआइतबार, वैशाख ४, २०७९

काठमाडौं । नेपाल स्टक एक्सचेञ्न ‘नेप्से’मा ग्रीन भेन्चर्स कम्पनीको आईपीओ सूचीकृत भएको छ । वैशाख ४ गते आइतबार कम्पनीको ३ करोड १२ लाख कित्ता आईपीओ नेप्सेमा सूचीकृत गरेको हो ।

कम्पनीले सर्वसाधारण लगानीकर्ताका लागि चैत ८ गतेदेखि ३१ करोड रुपैयाँ बराबरको ३१ लाख ७५हजार कित्ता आईपीओ निष्कासन गरेको थियो ।

कम्पनीले आयोजना प्रभावित र सर्वसाधारणको लागि निष्कासन गरेको आईपीओ हालै बाँडफाँड गरेको थियो । कम्पनीको आईपीओ नेपाल धितोपत्र बोर्डको निर्देशिकाअनुसार गोलाप्रथामार्फत आईपीओ बाँडफाँड हुँदा २ लाख ८७ हजार ५ सय जना सर्वसाधारण लगानीकर्ताले १० कित्ताको दरले कम्पनीको आईपीओ हात पार्न सफल भएका थिए ।

कम्पनीको पहिलो कारोबारको लागि नेप्सेले ओपनिङ रेञ्ज न्यूनतम ९१ रुपैयाँ ८६ पैसादेखि अधिकतम २७५ रुपैयाँ ५८ पैसा दिने देखिन्छ । सो कम्पनीको सोमबारदेखि नेप्सेमा कारोबार खुल्नेछ ।

प्रकाशित मिति: आइतबार, वैशाख ४, २०७९ १६:३७

प्रतिक्रिया दिनुहोस्