एनआईसी एसिया क्यापिटलको पुँजी बजार साक्षरतासम्बन्धी कार्यक्रम सम्पन्न

मुख्य समाचार

गृहपृष्ठ
मुख्य समाचार

एनआईसी एसिया क्यापिटलको पुँजी बजार साक्षरतासम्बन्धी कार्यक्रम सम्पन्न

क्यापिटल नेपाल आइतबार, वैशाख ११, २०७९

काठमाडौं । एनआईसी एसिया क्यापिटलले प्रदेशस्तरीय पुँजी बजार साक्षरता कार्यक्रम सम्पन्न गरेको छ । एनआईसी एसिया क्यापिटलले सामाजिक उत्तरदायित्वअन्तर्गत विभिन्न कार्यक्रमहरु सञ्चालन गर्दै आइरहेको छ ।

सो कार्यक्रममा क्यापिटलका प्रमुख मर्चेन्ट बैंकिङ दामोदर रायमाझी र प्रमुख सञ्चालन/लगानी अधिकृत मनिष घिमिरेले डिम्याट खाता, प्रथामिक सेयर, धितोपत्रको दोस्रो बजार, मुद्रा बजार उपकरणहरु, सामूहिक लगानी कोष, दोस्रो बजारमा सूचीकृत कम्पनीहरुमा लगानी कसरी गर्ने तथा लगानीसम्बन्धी निर्णय लिँदा ध्यान दिनुपर्ने समग्र पुँजी बजारको पछिल्लो अवस्थाको सम्बन्धमा विस्तृत छलफल गरिएको थियो ।

मर्चेन्ट बैंकहरु उपत्यका केन्द्रित रहेको र काठमाडाैं उपत्यका बाहिरबाट मर्चेन्ट बैंकहरुले प्रदान गर्ने सेवा प्राप्त गर्न निकै असहज भएको जनगुनासो बारम्बार आउने गरेको हुँदा उपत्यका बाहिरबाट कसरी मर्चेन्ट बैंकहरुले उपलब्ध गराएको सेवा लिन सकिन्छ र नयाँ लगानीकर्ताहरुलाई सहज रुपमा पुँजीबारमा आबद्ध भई सुरक्षित रूपमा सेयर कारोबार गर्न सकून् भन्ने मुख्य उद्देश्यका साथ उक्त साक्षरता कार्यक्रम आयोजना गरिएको जानकारीका दिए ।

साे कार्यक्रममा ७० जनाभन्दा बढी लगानीकर्ताको सहभागिता थियो । क्यापिटलले आगामी दिनमा सोही प्रकृतिको साक्षरता कार्यक्रम अन्य प्रदेशहरुमा समेत गर्ने व्यहोरा जानकारी गराए ।

प्रकाशित मिति: आइतबार, वैशाख ११, २०७९ १४:२३

प्रतिक्रिया दिनुहोस्